مارەكردنی ژنی دووەم لە دادگاكانی دەرەوەی ئیدارەی هەرێم بۆتە هوكاری كێشە كۆمەڵایەتییەكان

مارەكردنی ژنی دووەم لە دادگاكانی دەرەوەی ئیدارەی هەرێم بۆتە هوكاری كێشە كۆمەڵایەتییەكان

رەمەزان هەرنی

رۆژ بۆ رۆژ كێشە كۆمەڵایەتیەكان زیاتر پەڕەدەستێنن هۆكاری سەرەكی خراپ بەكارهێنانی هێلەكانی پەیوەندی كردنە بۆ بەكارهێنانی تورە كۆمەڵایەتیەكان بە شێوازێكی تەندروست كۆمەڵگا پێویستی بە هوشیاركردنەوە هەیە.

موقەدەم محەمەد ئەمین عەلی، بەرپرسی نووسینگەی بەرەنگابوونەوەی توندوتیژی دژی ئافرەتان و خێزان لە ئاكرێ بە زاری كرمانجی راگەیاند:" زۆربەی ئەوانەی توشی كێشە دەبن پێیان خۆشە پۆلیس و دادگا رۆڵیان تێدا بگێرێت و كێشەكانیان چارەسەر بكەن، چونكە ئەو كێشانەی پولیس پێی هەڵدەستێت زوو چارەسەر دەكرێن, بەڵام لەهەمانكاتدا هەندێك كەس شەرم دەكەن سەرەدانی نوسینگەكان بكەن بۆ چارەسەركردنی كێشەكانیان.

بەرپرسی نووسینگەی بەرەنگابوونەوەی توندوتیژی دژی ئافرەتان و خێزان لە ئاكرێ ئاماژەی بەوەشكرد:" لەم چەند ساڵەی دوایی زۆرترین كێشە بەهۆی خراپ بەكارهێنانی تۆڕە كۆمەڵایەتیەكانەوە بووە هەندێكی دیكەشیان هاوسەرەكان رێگری لە خێزانەكانیان دەكەن كە تۆڕە كۆمەڵایەتیەكان بەكاربێنن لە هەمانكاتدا دەبێتە كێشە لە نێوانیاندا، ئەم حاڵەتانە نابن بە كەیس لە نوسینگە تەنها گلەیی دەكەن.

موقەدەم محەمەد ئەمین عەلی، ئەوەشی خستەروو:" ئەو كێشانەی بۆ نوسینگەكەمان دێن تەمەنیان لە نێوان 16 بۆ 22 ساڵیە بەڵام ئەو كێشانەی لەنێوان هاوسەرەكان دروست دەبن ئەوانەن كە زوو ژیانی هاوسەرگیریان پێكهێناوە چەندین حاڵەت گەیشتوونەتە دادگا و لێك جیابوونەتەوە.

موقەدەم محەمەد ئەمین عەلی، بەرپرسی نووسینگەی بەرەنگابوونەوەی توندوتیژی دژی ئافرەتان و خێزان لە ئاكرێ ئاشكراشی كرد:"مارەكردنی ژنی دووەم لە داگاكانی دەرەوەی ئیدارەی سنووری هەرێمی كوردستان، بۆتە بە كێشە چونكە بێ رازیبونی ژنی یەكەم ژنی دووەم بە شێوەیەكی یاسایی مارەی دەكەن، ئەمەش بۆتە هۆی تێكدانی شیرازەی خێزان، رێژەی 100% دروستبوونی كێشە كۆمەڵایەتیەكان هێلەكانی پەیوەندی كردن و تورە كۆمەڵایەتیەكانن  بەپێی ماددەی 2 خراب بەكارهێنانی هێلەكانی گەیاندن كەسەكە ئەگەر هەرەشە بكات لە ئافرەتان بۆ ماوەی 1 مانگ  بۆ 6 مانگ زیندانی دەكرێت و بری 1 بۆ 5 ملیۆن دیناری عێراقیش سزا دەدرێت.

زۆرترین بینراو