مازن محەمەد راهێنەرێكی لێهاتوو و شارەزا و لێزان و سەركەوتوو لە یاری تۆپی فۆتساڵ

مازن محەمەد راهێنەرێكی لێهاتوو و شارەزا و لێزان و سەركەوتوو لە یاری تۆپی فۆتساڵ

جەلال سەعید تایبەت بەزاری كرمانجی

مازن محەمەد عەبدولڵا ناوێكی دیار و گەورەی مەشق و راهێنانی تۆپی فۆتساڵ لە كوردستان و عێراق، ناوێكی جیا ناكرێتەوە لە یاری تۆپی فۆتساڵ و كاری مەشق و راهێنەرایەتی لە سەر ئاستی كوران و كچان.
مازن محەمەد عەبدولڵا لە ساڵی 1975 لە شاری هەولێر لە دایكبووە، لە گەرەكی سەیداوە ژیانی بەسەر بردووە، خاوەن بروانامەی مەشق و راهێنانی لە ساڵی 2004 بەسەرپەرشتی یەكێتی تۆپی پێی عێراق وەرگرتووە، لە ساڵی 2016 و 2018 توانیەتی بروانامەیC ئاسیاوی لە یاری فۆتساڵ وەر بگرێت.
لە سەرەتادا وەك یاریزانێكی تۆپی پێ بۆ ماوەیەكی زۆر لە یاری كردوە و بەردەوام بووە لە یاریكردن بۆ یانەی ئازادی و پێشكەوتن و جیهان كردووە، راهێنەرایەتی یانەی جیهان بۆ لاوان كردووەو نازناوی خولەكەشی لە سەر ئاستی پارێزگای هەولێر بەدەست هێناوە، لە ساڵی 2000 یاریدەدەری راهێنەری یانەی جیهان بووە بۆ پێشكەوتووان، دواتر بۆتە راهێنەری یانەی (قلعە توركمانیە)، مەشق و راهێنانی بە یانەكانی پیرەمەگرون و یانەی ئافرەتانی هەولێر داوە و نازناوی خولی كوردستانیشی بۆ بەدەست هێناون، لە ساڵی 2016 - 2017 ئەركی یاریدەدەری راهێنەری هەڵبژاردەی عێراقی پێسپێردرا، ئێستاش راهێنەری یانەی چۆمانە و توانیەتی تیپێكی توكمە و سەركەوتوو دروست بكات و بە شایستەوە لە گرووپی خۆیدا لە رێزبەندی دووەم دێت بە 15 خاڵ.

زۆرترین بینراو