مووچەی هەزاران كەمئەندام دەگەڕێندرێتەوە

مووچەی هەزاران كەمئەندام دەگەڕێندرێتەوە

لیستی ناوەكانی كەمئەندامانی دەرچوو لە لێژنە پزیشكییەكان ئاراستەی وەزارەتی دارایی دەكرێت بۆ خەرج كردنی مووچەكانیان.
یوسف چاوشین قازی، بەڕێوەبەری گشتی چاودێری و گەشەپێدانی كۆمەڵایەتی هەولێر، بە زاری كرمانجی راگەیاند " ئەم كەمئەندامانەی پێشتر لە لێژنەی پزیشكی دەرنەچووبوون و رێژەی پێویستیان لە كەمئەندامی بەدەست نەهێنا بوو، بەبڕیاری وەزارەت جارێكی دیكە لێژنەیەكی تایبەتی پزیشكی بۆیان پێكهێنراو دووبارە پشكنینیان بۆ ئەنجامدرایەوە".
گووتیشی" دوای ئەنجامدانی پشكنینەكان، لە كۆبوونەوەی ئەنجوومەنی وەزارەتی كارو كاروباری‌ كۆمەڵایەتی، بڕیاردرا لەم هەفتەیە لیستی ناوەكانی كەمئەندامانی دەرچوو لە پشكنینەكان، ئاراستەی وەزارەتی دارایی بكرێت، بۆ ئەوەی جارێكی دیكە مووچەیان بۆ خەرج بكرێتەوە".

زۆرترین بینراو