مووچە براوەكان خەڵكی دەڤەری سۆرانیشی تێدایە

مووچە براوەكان خەڵكی دەڤەری سۆرانیشی تێدایە

زاری كرمانجی: تا ئێستا گەنجینەكان و بەڕێوەبەرایەتییەكانی سەر بە وەزارەتەكانی حكومەتی هەرێم ئاگاداری ناوی ئەو كارمەندانە نین كە بەهۆی دوو مووچەییەوە مووچەكیان راگیراوە.
سیامەند ئیسماعیل، بەڕێوەبەری گەنجینە سۆران بە زاری كرمانجی گووت" تا ئێستا ناوی ئەو كەسانەمان بۆ نەهاتووە كە بە بڕیاری وەزارەتی دارایی مووچەكانیان راگیراوە و هیچ نووسراوێك لەمبارەوە بۆ ئێمە نەناردراوە".
بەپێی زانیارییەكانی دەست زاری كرمانجی كەوتوون، لەو ناوانەی مووچەكانیان راگیراوە خەڵكی دەڤەری سۆرانیشی تێدایە، سەرچاوەیەك لە وەزارەتی دارایی بە زاری كرمانجی گووت " لە زۆربەی هەرە زۆری شار و شارۆچكەكانی هەرێمی كوردستان ناوی ئەو كەسانە هەیە كە مووچەكانیان بە هۆی دوو مووچەییەوە راگیراوە، لەبەر ئەوەی لە تەواوی وەزارەتەكان ئەو كەسانە هەن".
لەسەر راسپاردەی مەسرور بارزانی سەرۆکوەزیرانی هەرێمی کوردستان، بە بڕیاری وەزارەتی کاروباری شەهیدان و ئەنفالکراوەکان مینحەی زیاتر لە ١٣ هەزار کەسی ناشایستە بڕیاری بڕینی درا.
بەپێی بڕیارەکە لەم مانگەوە مینحەی ١٣٢٨٢ کەسە بڕاوە.
پێشتر بە بڕیارێكی وەزارەتی دارایی و ئابووری و لە چوارچێوەی جێبەجێكردنی یاسای چاكسازیدا، مووچەی زیاتر لە دە هەزار و ٦٠٠ كەس بڕدرا كە دوو مووچە و زیاتریان هەبوو.

زۆرترین بینراو