مۆندیالی تۆپی پێی قەراغ دەریا دەستیپێكرد

مۆندیالی تۆپی پێی قەراغ دەریا دەستیپێكرد

زاری كرمانجی-ئاژانسە هەواڵە وەرزشیەكان: هەینی رابردوو لە قەراغەكانی دەریای وڵاتی پارەگوای بە بەشداری 16 هەڵبژاردەی جیهانی, كە دابەشكراون بەسەر 4 كۆمەڵەدا (پارەگوای, سویسڕا, ئەمریكاو ژاپۆن), (ئیتاڵیا, تاهیتی, ئۆرگوای و مەكسیك), (سەنیگال, رووسیا, رووسیای سپی و ئیمارات), (بەڕازیل, پورتوگال, نێجیریا و عومان).
ئەمڕۆ دووشەممە ئەم 4 یارییە ئەنجام دەدرێن (رووسیای سپی- سەنیگال), (بەڕازیل- پورتوگال), (مەكسیك- ئیتاڵیا), (ژاپۆن- سویسڕا), سبەی سێشەممەش (تاهیتی-ئۆرگوای), (ئەمریكا-پارەگوای), (ئیمارات- سەنیگال), (عومان- پورتوگال), چوارشەممە (رووسیا- رووسیای سپی), (نێجیریا- بەڕازیل).
ئەم یارییە لە 5 یاریزان پێكدێت و 7 یاریزان یەدەگن, 3 تایم یاری دەكرێت بۆ هەر تایمێك 12 خولەكەو ئەگەر هەر یەكسان بوون 3 خولەك زیاد دەكرێت و ئەگەر هەر بە یەكسانی مایەوە لێدانی سازی یەكلاكەرەوە لێ دەدرێت كە تەنها بۆ هەر تیپێك یەك لێدانە, یەكەم مۆندیالی تۆپی پێ قەراغ دەریا ساڵی 1995 لە شاری ریۆ دی جینیرۆی بەڕازیل بەڕێوەچوو كە تیایدا بەڕازیلییەكان تا ساڵی 2000 بۆ 6 جاری لەسەر یەك جامەكەیان بەرزكردەوە, تا ساڵی 2009 ساڵانە ئەم پاڵەوانیەتیە ئەنجام دەدرا, بەڵام دواتر كرا بە دوو ساڵ جارێك, ئەوەبوو ساڵی 2011 لە رۆمای ئیتاڵیا بەڕێوەچوو كە تیایدا رووسیەكان یەكەم و بەڕازیل و پورتوگال دووەم و سێیەم بوون, هەڵبژاردەی بەڕازیل بەهێزترین تیپی ئەم یارییەیەو تا ئێستا 14 جار بۆتە پاڵەوانی جیهان, لە 2017 نۆزدەهەمین پاڵەوانیەتی لە وڵاتی باهاماس ئەنجامدراو بەهەمان شێوە بەڕازیل یەكەم بوو تاهیتی دووەم و ئێرانیش بە بردنەوەی لە ئیتاڵیا پلەی سێیەمی دەستەبەركرد.

زۆرترین بینراو