میگرن (شەقیقە)

میگرن (شەقیقە)


دەڵێن "میگرن" دایكی هەموو سەرئێشەكانە و ئافرەتان زیاتر تووشی دەبن، لەو كاتەوە تا وەكو ئێستا هەندێك كەس وا بیر دەكەنەوە كە ئەو ئازارە نیشانەیەكی تایبەتەتییە نەك نەخۆشی، زانایان بە تێپەڕبوونی كات دیاردەكانی بیۆلۆژیكی "میگرن"یان دۆزیەوە و بۆیان دەركەوت كە سەرئێشە بە هۆی میكانیزمێكی بیۆلۆژی ناسروشتییەوە دروست دەبێت و لە كەسانی تووشبوو كە هۆكارێك بۆ سەرئێشەكەیان نییە لەوانەیە بۆماوەیی بێت ، كە هەندێكجار لە بەر هۆكاری دەرەكی چالاك دەبێت، هەڵبەت سەرەڕای هۆكاری بۆماوەیی، هۆكاری تر لە سەرهەڵدانی ئەو سەرئێشە رۆڵیان هەیە، وەكو دڵەڕاوكێ‌، رووناكی زۆر، خەوی زۆر، یان خەوی كەم، برسیەتی، ناهاوسەنگی هۆرمۆنی.
سەبارەت بە نیشانەكانی ئەو نەخۆشییە كە لە لایەن شارەزایان دەستنیشان كراون، ئەو كەسانەی تووشبوون بە میگرن بە هۆی ئازارەوە ئێش‌و كاری رۆژانە بە باشی تێناپەڕێ‌ ، ئازارێكی تا رادەیەك زۆر لە لایەكی سەر و لەگەڵیدا وەك لێدانی دڵ لێدەدا، بە رووناكی و دەنگەدەنگ ناراحەت دەبن‌و لەگەڵ چالاكی جەستەیی ئازار زیاد دەكات. بە برسیەتی و نەخەوتن ژانە سەریان زیاد دەبێت. ژانەسەرەكە وەكو تەزووی كارەبا وایە (لێدەدات) و لە ماوەی(4-72) رۆژ درێژە دەكێشێت .
بۆ چارەسەری "میگرن" خواردنی هێوركەرەوە كاریگەری ئەوتۆی نییە، بەڵام بە هێڵنج و رشانەوە ئازارەكە نامێنێنێت، هەندێك جار دانانی بەفر لە شوێنی ئازار، كاریگەری خۆی هەیە هەندێك لە نەخۆشەكان لە ژێر چاودێری پزیشك چارەسەر وەردەگرن. هەروەها پێویستە رێژەی "مەنیزیوم" لە ناو خوێندا دیاری بكرێت ، كەمبوونەوەی ئەو مادەیە هۆكارێكە پەیوەندی بە كەمی مادەی "سروتونین"هەیە، ئەوەش كاریگەری لە چۆنیەتی بە سروشتی كاركردنی دەمارەكانی خوێنەوە هەیە. بە ئەو كەسانەی تووشی نەخۆشی میگرن دەبن شوێنێكی تاریك و ئارام و پشوویەكی تەواو كاریگەری خۆی هەیە ، بەڵام لە هەمووی گرنگتر خۆپاراستنە لە دڵەڕاوكێ.

زۆرترین بینراو