مێشكی مرۆڤ حەزی بەخواردنی چەور و رەنگا و رەنگە

مێشكی مرۆڤ حەزی بەخواردنی چەور و رەنگا و رەنگە

 

هەر تاكێك بە شێوەیەكی جیاواز حەزی خواردنی هەیە، بە تایبەت لە هەڵبژاردنی ژەمە  خۆراكییەكان، كە زیاترینی مرۆڤ حەز لە خواردنی چەورو رەنگاورەنگ دەكات، جگە لە وەی خواردنی قورس كاریگەری ناتەندروستی دەبێت، بەڵام مرۆڤ ناتوانێت خواردنی چەور و رەنگاورەنگ هەڵنەبژێرێت،

توێژینەوەیەكی ئوسترالی دەریخستووە كە مێشكی مرۆڤ هەمیشە خواردنی چەور و قورس‌و رەنگاورەنگ هەڵدەبژێرێت. لەو توێژینەوەیەدا كە لە زانكۆی ماجیلی ئوسترالی ئەنجامدرا، چەندین كەس بەشدارییان كرد و لیستێكی خواردنیان لەبەردەمدا دانرا، زۆربەی كەسەكان خواردنێكی پڕ چەور‌و پڕ ترش‌و رەنگاورەنگیان هەڵبژارد و دوای  لێكۆلینەوە دەركەوت هەڵبژاردنی ئەو خواردنانە لە رێگای فەرمانی مێشكەوە  دێتە ئاراوە.

هاوكات زاناكان ئەو حەزی خواردنەیان گەڕاندۆتەوە بۆ بەشێكی مێشك، كە لە پێشەوەی ناوچەواندایە و ئەوەش فەرمان بە جەستە دەكات كە خواردنی قورس هەڵبژێرێت، هەروەها ئەو حەزە بەدەست مرۆڤ نییە و پێویستە كۆنترۆڵی ئەو حەزە بكات لەكاتێكدا مێشك فەرمانی ئەو خواردنە دەدات.

زۆرترین بینراو