ناوی وەزیرە پێشنیار كراوەكان بۆ كابینەی نوێ ئاشكرا بوو

ناوی وەزیرە پێشنیار كراوەكان بۆ كابینەی نوێ ئاشكرا بوو

بەپێی نووسراوێك، كە ئەمڕۆ 23-4-2020 میدیا عێراقییەكان بڵاویان كردۆتەوە، لایەنە شیعەكان لەسەر كاندیدی هەندێك لە وەزارەتەكانی كابینەی داهاتووی حكوومەتی عێراق رێكنەكەوتوون و هەندێك لە وەزارەتەكانیان دواخستووە و لەسەر هەندێكی دیكەش رێككەوتوون،
لایەنە شیعە بڕیاریان داوە لە ماوەی 48 كاتژمێری داهاتوودا جارێكی دیكە كۆببنەوە و وردبوونەوە لە ناوەكان بكەن.
لەبارەی پشكی كوردەوە لە كابینەی داهاتوو بە پێ ئەو نووسراوە سێ وەزارەتی پێشووتر وەردەگرنەوە، كە بەم جۆرە ناوی وەزیرەكان هاتووە:
وەزیری دارایی بەر پارتی كەوتووە و فوئاد حوسێن لە پۆستەكەی دەمینێتەوە.
ناوی هەر یەك لە خالید شوانی و رزگار محەمەد ئەمین، بۆ وەزیری داد دیاری كراون كە پشكی یەكێتییە.
ناوی رێزان محەمەد، وەك وەزیری شارەوانی هاتووە.
هەر چی وەزارەتەكانی بەرگری، ناوخۆ، لاوان، پیشەسازی و كۆچە دواخراوە و هێشتا یەكلایی نەبووەتەوە.
ناوی باقی وەزارەتەكانی دیكەش بەمشێوەی خوارەوەیە، بەڵام ئەگەری گۆڕانكاری لە ناوی وەزیرەكان هەیە:
- حارس محەمەد حەسەن، وەزیری دەرەوە
- نزار قەحتان حەسەن جەبر، وەزیری كارەبا
- عەلا مەحمود حوسێن، وەزیری گواستنەوە
- عەبدولجەبار لعێبی، وەزیری نەوت (لە پۆستەكەیدا دەمێنێتەوە)
- كازم هێلان سەهلانی، وەزیری كار
- ئیبراهیم بەحرلعلوم، وەزیری خوێندنی باڵا
- جاسم محەمەد ئەسەدی، وەزیری سەرچاوە ئاوییەكان
- حەسەن شەمسەدین خەتیب، وەزیری پەیوەندییەكان
- هیشام ساڵح داود، وەزیری رۆشنبیری
- جەعفەر عەللاوی، وەزیری تەندروستی (لە پۆستەكەی دەمێنێتەوە)
- محەمەد شیاع سودانی، وەزیری كشتوكاڵ
- خالید بەتال، وەزیری وەزیری پلاندانان
- ماهیر حەماد، وەزیری بازرگانی
- موزاحیم خەیات یان فەلاح حەمودی ئەحمەد، وەزیری پەروەردە

 

زۆرترین بینراو