ناپاكی هاوسەری

هاوژین حەسەن

ناشرین ترین و قێزەونترین دیاردەیە كە ئێستا بەشێویەكی زۆر بڵاو جیهان و كۆمەڵگەی ئێمەشی گرتووتەوە، بەداخەو ناپاكی هاوسەری زۆر جۆری هەیە، بەڵام ناشرینترینیان ناپاكی جەستەیە كە ئەمەش كۆتاییەكەی بەجیابونەوەی هاوسەران و تێكدانی لانەی هاوسەری كۆتایی دێت,
چەندین هۆكاری جۆراوجۆر هەیە كە ئەبێتە هۆی درووستبونی ئەم ناپاكیە یەكێك لەوانە, چوونە نێو ژیانی هاوسەری كە ئەو دووكەسە دڵیان لای یەك نەبێت, واتە بەزۆر بەشوودان یان ژن هێنان كە ئەمە نەریتێكی كۆنی هەیە,كەسیان دڵیان لای یەك نیەو ئەوەش ئەبێتە هۆی ناپاكی,
یەكێك لە خاڵەكانی تر گوێنەدان بەمافی یەك و جێبەجێ نەكردنی مافەكانی یەكتر و ڕانەگرتنی دڵی یەكتریە، هەروەها تێكەڵبوونی نادروست و ناشەرعی لە ئاهەنگ و بۆنەكاندا, بەداخەوە ئێستا ئەمە زۆر بووە و هۆكارێكی دیار و بەرچاوە,
هۆكاری تۆڵەكردنەوە هەندێ جار كەسی بەرامبەر ناپاكی ئەكات, ئەم كەسە ئەڕوخێنێ و تووشی نا ئومێدی ئەبێت و ناتوانێت ئارام بگرێ, بۆیە هەوڵی تۆڵەكردنەوە ئەدات و هەمان كاری هەڵەی بەرامبەر دووبارە ئەكاتەوە، دەزگاكانی ڕاگەیاندن و دابەزاندنی گۆڕانی و درامای بیانی كە بەدین وكلتووری ئێمە ناگونجێ‌, ئەمەش ئەبێتە هۆكاری تێكدانی شیرازەی خێزان و كۆمەڵگەی كوردەواری، هەروەها ئێستا زۆر هاوسەر هەیە بۆ دەروە گەشت دەكات, سەفەری دوورو درێژی و مانەوە بەبێ یەكتری و كاركردنی ئافرەتان بەشێوەی زۆر مانەوە لە دەرەوەی ماڵەوە و گەورەترین هۆكاری بۆشایی دینیە كە دوور لەدین دروستی ئەكات سۆز و خۆشەویستی كەم دەكاتەوە,
بەداخەوە لەكۆتایی هیوای دووربوون لەوكارە ناشرینە ئەخوازم درووستبونی كۆمەڵگەیەكی جوان و پاكتر لەوەی ئێستا هەیە, بە هێزبوونی پەیوەندی خێزانی زۆر گرنگە لە نێوان یەكتردا هەبێت ، چونكە باشی و ڕۆشنبیری خێزان ئەبێتە هۆی دروستبوونی كۆمەڵگەیەكی ڕۆشنبیر و تەندروست.

 

زۆرترین بینراو