نۆژەنكردنەوەی یاریگەی دێڵزیان دەستی پێكرد

نۆژەنكردنەوەی یاریگەی دێڵزیان دەستی پێكرد

زاری كرمانجی-سۆران: لەسەر بڕیاری فەرسەت سۆفی پارێزگاری هەواێر بڕیار درا دەستبكرێت بە نۆژەنكردنەوەی یاریگەی دێڵزیان كە تایبەتە بە یانەی وەرزشی سۆران, پێشتر لیژنەیەكی راسپارد بۆ بەدواداچوون و لێكۆڵینەوە لە چۆنیەتی كاركردن و نۆژەنكردنەوەكە, ئەوەبوو كارەكە لەرێی تەندەر بۆ كۆمپانیای كارساز دەرچوو. لەمبارەیەوە مامۆستا فەرمان ئیسماعیل وتەبێژی فەرمی یانەی وەرزشی سۆران بە هەفتەنامەی زاری كرمانجی راگەیاندو گووتی" دوای دانیتشن لەگەڵ لیژنەكە كە پێكاتووە كرمانج عزەت قایماقی سۆران و ئەندامی یانەی وەرزشی سۆران و هەئیەی ئەندازیاری لە یەكەی قایمقامیەت گفتوگۆ كرا سەبارەت بە چۆنیەتی دەستپێكردنی یەكەم هەنگاو بۆ نۆژەنكردنەوەی یاریگەكە, پێنجشەممەی رابردوو دەستكرا بە دانانی چیمەنی دەستكرد و دواتر تەلبەندكردنی یاریگەو نۆژەنكردنەوەی ژوورەكانی خۆگۆڕین لەگەڵ پڕكردنەوەی تڕاك بە كەرەستەیەكی باش, ماوەی تەواوبوونی نۆژەنكردنەوەكە تەنها 45 رۆژە و بڕی زیاتر لە 350 ملیۆن دیناری بۆ تەرخان كراوە, ئەمە دەسكەوتێكی باشە بۆ یانەی وەرزشی سۆران چونكە كۆتایی ئەم مانگە خولی یانە نایابەكانی كوردستان دەستپێدەكات و یانەی سۆران لە یاریگەی دێڵزیانی تایبەت بەخۆی یارییەكانی لێ ئەنجام دەدات".

زۆرترین بینراو