نێچیرڤان بارزانی سه‌رکۆنه‌ی تاوانه‌که‌ی فه‌رحاتییه‌ ده‌کات

نێچیرڤان بارزانی سه‌رکۆنه‌ی تاوانه‌که‌ی فه‌رحاتییه‌ ده‌کات

زاری كرمانجی - سه‌رۆكی هه‌رێمی كوردستان په‌یامێكی بڵاو كرده‌وه‌ و سه‌رکۆنه‌ی تاوانه‌که‌ی فه‌رحاتییه‌ ده‌کات.

ئه‌مڕۆ یه‌كشه‌ممه‌، نێچیرڤان بارزانی، سه‌رۆكی هه‌رێمی كوردستان په‌یامێكی بڵاو كرده‌وه‌ و ده‌ڵێت: "زۆر بە توندی ئەو تاوانە دڕندانەیە ئیدانە و شەرمەزار دەکەین کە لە ناوچەی فه‌رحاتییه‌ی سه‌ر به‌ قه‌زای به‌له‌د له‌ پارێزگای سەلاحەدین ڕووی دا و تێیدا ژماره‌یه‌ک هاووڵاتی بوونه‌ قوربانی، هاوخەمی کەسوکاری قوربانییان و خەڵکی ناوچەکه‌ین".

دەقی په‌یامی سه‌رۆكی هه‌رێمی كوردستان:

زۆر بە توندی ئەو تاوانە دڕندانەیە ئیدانە و شەرمەزار دەکەین کە لە ناوچەی فه‌رحاتییه‌ی سه‌ر به‌ قه‌زای به‌له‌د له‌ پارێزگای سەلاحەدین ڕوویدا و تیایدا ژماره‌یه‌ک هاووڵاتی بوونه‌ قوربانی. هاوخەمی کەسوکاری قوربانییان و خەڵکی ناوچەکه‌ین.

داواکارین دەزگا پەیوەندارەکانی حکوومەتی فیدراڵ دەستوبرد بکەن لە دۆزینەوە و دەستنیشانکردنی ئەو لایەن و گرووپە تیرۆریستەی لە پشت تاوانەکەوەن و تاوانکاران ڕووبه‌ڕووی یاسا بکرێنه‌وه‌ و به‌ سزای خۆیان بگه‌یه‌نن.

ئەرکی هەموو هێز و لایەنەکانە هاوکار و پاڵپشتی حکوومەت بن بۆ دانانی سنوورێک بۆ هه‌ڕه‌شه و تاوانکاری و دەستدرێژیی بەردەوام بۆ سەر ژیانی هاوڵاتییان و دامودەزگاکان.

 

نێچیرڤان بارزانی

سه‌رۆکی هه‌رێمی کوردستان

٢٠٢٠/١٠/١٨

زۆرترین بینراو