نەبوونی پاڵپشتی كۆسپێكی زۆری بۆ هونەرمەندان دروستكردووە

نەبوونی پاڵپشتی كۆسپێكی زۆری بۆ هونەرمەندان دروستكردووە

دیمانە/ هۆژین شەوكەت
هەرمان رزگار دانیشتووی مێرگەسۆرە، تا قۆناغی شەشی سەرەتایی خوێندووە، بوونی حەز و خولیایەكی زۆری بۆ گۆرانی گووتن ساڵی2002 بڕیاری دا دەست بكات بە كاری هونەری و گۆرانی بۆ وڵات و نیشتیمانەكەی بڵێت، نشتیمانێك كە تووشی چەندین دەردەسەری و ناخۆشی بوەتەوە .
هەرمان بۆ زاری كرمانجی باسی لە دەستپێكی كارەكانی كرد و گووتی" دەستپێكی كاری هونەریم دەگەڕێتەوە بۆ ساڵی 2008، ئەوكات رادیۆی هەرمان لە بلێ چەندین جار بانگێشتیان كردم تا وەك هونەرمەندێك گۆرانی بڵێم، بەشداریكردنم لە چەندین ئاهەنگ و گووتنی گۆرانی زیاتر هانیدام ئەم بوارە هەڵبژێرم، كاتێك قۆتابی بووم هەمیشە گۆرانیم دەگووت مامۆستا و هاورێكانم پاڵپشتییان دەكردم و دەیان گوووت دەنگت خۆشە، پاڵپشتی زۆری خێزانەكەم وایكرد من بە تەواوی كار لەسە گۆرانی گووتن بكەم و زیاتر هەوڵی خۆم بدەم، ویستوومە موزیكی كوردی هەمیشە بە زیندووی بهێڵمەوە كارێك بكەین موزیكەكەمان بەرەو پێشەوە ببەین و گەلانی جیهان بزانێت كورد خاوەن كولتووری خۆیەتی".
گووتیشی" گوێ لە هەموو گۆرانیەكی كوردی دەگرم بە تایبەت گۆرانی هەردوو هاورێی خۆشەویستم عارف چۆپان و حەسەن شەریف، جگە لە كاری هونەری فەرمانبەرم، زۆربەی گۆرانیەكانم خۆم هەڵیاندەبژێرم و كاری لەسەر دەكەم، یەكەم بەرهەمم گۆرانیەكی ئەڤینداری بوو بە ناوی زیندان، تێكست و ئاوازی گۆرانیەكە خۆم دام نابوو بە شێوەی ڤیدیۆ كلیپ بڵاوم كردەوە، كار لەسەر ئامێری ساز دەكەم و شارەزاییەكی باشم لێی هەیە، دەمەوێت زیاتر هونەرەكەم بەرەو پێشەوە ببەم، نامەوێت وەك هونەرمەندێكی میلی بناسرێم زیاتر هەوڵ دەدەم بە شێوەی ڤیدیۆ كلیپ و گۆرانی جۆراوجۆر خزمەت بكەم، لە زۆر كارو چالاكی بەشداریم كردووە، تا ئێستا هیچ ئاستەنگیەك نەهاتووتە پێشم بەڵام نەبوونی پاڵپشتی بۆ كاری هونەری زەحمەتیەكی زۆری بۆ سەرجەم هونەرمەندان دروستكردووە، تا ئێستا ئەو توانایەم نەبووە كاری باش بكەم سێ گۆرانیم لەسەر پێشمەرگە هەیە, لە ئێستادا ڤیدیۆ كلیپێكی ترم ئامادەیە بۆ بڵاوكردنەوە, تێكست و ئاوازی گۆرانیەكە هی خۆمە، كاری موزیكەكەی لەلایەن فەردینەوە كراوە، هیچ پاڵپشتیەكم بۆ ئەم ڤیدیۆ كلیپەم نەبووە، سەرجەم كارەكانی ڤیدیۆكە تەواو بووە چاوەڕێی كاتێكی گونجاوین بۆ بڵاوكردنەوەی ئەو بەرهەمە".

زۆرترین بینراو