نەخۆشیەكانی رۆماتیزم

نەخۆشیەكانی رۆماتیزم

نەخۆشی جومگەكان و هەندێ لە نەخۆشیەكانی ئێسك‌و ماسولكەكان‌و بە گشتی ئازارو نەخۆشی ئیسك، بە تایبەت شوێنە سەرەكیەكانی جوڵەی جەستە، رەنگە زۆر جار رووبەڕووی نەخۆشی ببێت كە بە رۆماتیزم دەناسرێت.
ئەم نەخۆشیە تووشی جومگەكان دەبێت، تووشی بڕبڕەی پشت و بڕگەكانی مل و تووشی بڕگەكانی ناوەڕاستی پشت دەبێت، هەروەها بەشی زۆری ئۆرگانەكانی لەش رووبەڕووی ئەو نەخۆشیە دەبنەوە، بۆ نمونە رەنگە چاو و دڵ و جگەرو گورچیلەش رووبەڕووی ئەو نەخۆشیە ببنەوە، هۆكاری دیاریكراوی نیە جۆرێكە لە نەخۆشیەك كە لەش هەندێ مادە دژی خۆی دروست دەكات، وە ئەو دژ دروستكردنە مادەیەكە لە لەشدا بڵاودەبێتەوە دەبێتە هۆی گۆڕانكاری لە دەمارەكانی خوێن و ماسولكەكاندا و نەخۆشیەكە پەیدادەبێت.
رۆماتیزم هەندێكجار هەوكردنە و هەندێكجاریش بە ژان‌و ئازار لە ماسولكەكان خۆی بە دەردەخات‌و هەندێك كەسیش بە ناوی (صوفان) دەیناسیت، صوفان زیاتر لەو كەسانەدا بەدیار دەكەوێت كە تەمەنیان لەسەرو (35 بۆ 40) ساڵدایە، بە شێوەیەك ئەو نەخۆشیە مەترسیدار دەبێت كە بە هۆی دارووخانی ئێسك و نەمانی مادەی تایبەتی نێوانانیان، چونكە ئێسك عەسەبی زۆری تێدایە زۆر هەستیارە وە رەنگە وردە وردە بگاتە ئاستێك كە ئەو مادەیە نەمێنێت و بگاتە سەر ئێسك ئەو كاتە جومگەكە رەق دەبێت و دەئاوسێت، ئەم جۆرە داڕووخانە هەر تووشی جومگەی ئەژنۆ نابێت بە تەنیا، بەڵكو لەمڵ داو لەخواری پشت و پەنجە گەورەدا روودەدات.
چارەسەری ئەم نەخۆشیە بەتەنیا چارەسەرێك نیە، چونكە تا ئێستا هیچ دەرمانێك نیە كە ئەو مادەیە (100%) دروست بكاتەوە،بەڵام هەندێك چارەسەری هەیە كە پزیشكانی تایبەت دەتوانن هاوكاری نەخۆشەكان بدەن،
هەروەها چەندین رێگا بۆ خۆپاراستن لەو نەخۆشیە كە رووبەرووی جومگە دەبنەوە، بە كارهێنانی جگەرە و كحول زۆر كاریگەرە بۆ تووشبوون بەم نەخۆشیە، هەروەها قەڵەوی یان بەكارهێنانی زۆر و ئەركی زۆر لەسەر جومگەكە، بەڵام وەرزش زۆر پێویستە بۆ خۆپاراستن لەم نەخۆشیە، بە هێزكردنی جومگەكە، هەروەهاباشتر وایە كە هەستمان بە ئازار كرد سەردانی پزیشك بكرێت بۆ دڵنیابوون، چونكە رەنگە بەو هۆیەوە تووشی نەخۆشی دیكە بیت.

بابەتى پەیوەندیدار جۆراوجۆر

زۆرترین بینراو