نەمامی داری تەسبیح لە شەقامی سەرەكی هەریر چێندران

نەمامی داری تەسبیح لە شەقامی سەرەكی هەریر چێندران

زاری كرمانجی-هەریر: سەرۆكایەتی شارەوانی هەریر دەیان نەمامی داری تەسبیح لە شەقامی سەرەكی هەریر دەچینێت و بەربەستیش بۆ پارااستنیان دادەنرێت.
زاهیر بناوی سەرۆكی شارەوانی هەریر لە سنووری شارۆچكەی شەقڵاوە، بە زاری كرمانجی راگەیاند " لە بەردەوامی كارو پڕۆژەكانمان بەتایبەت لە رووی بایەخدان بە ژینگەو سەوزایی لە سنوورەكەمان، هەستاوین بە چاندنی زیاتر لە (50) نەمامی تەسبیح لە شەقامی سەرەكی هەریر باتاس، كە درەختێكی تایبەتە و لە رووی گەشە كردنیشەوە خێرایەو جوانێكی زۆریش بە شوێنەكە دەبەخشێ‌ هەروەها سوودی زۆریشی دەبێت لە سەر ژینگەی شوێنكەو شارۆچكەكەمان".
گووتیشی " لە بری چاندنی ئەم درەختانە بە شێوەیەكی هەروەز دەستمان كردووە بە دانانی سیم و بەربەست بۆ پاراستنی ئەم نەمانە، لە داهاتووشدا بەردەوام دەبین لەسەر ئەم كارو پڕۆژانەمان.

زۆرترین بینراو