نەوت بەسەر  7700 خێزانی هەژار و كەمدەرامەتی سنووری قەزاكانی سۆران دابەش دەكرێت 

نەوت بەسەر  7700 خێزانی هەژار و كەمدەرامەتی سنووری قەزاكانی سۆران دابەش دەكرێت 

زاری كرمانجی - یوسف چاوشین بەڕێوەبەری گشتی چاودێری و گەشەپێدانی كۆمەڵایەتی هەولێر لە سەردانی بۆ دەڤەری سۆران پێدانی 7700 بەرمیل نەوتی بە خێزانە هەژار و كەمدەرامەتەكانی سنووری سۆران، چۆمان، مێرگەسۆر و ڕواندز ڕاگەیاند.

بەڕێوەبەری گشتی گوتی، سوپاسی شێخ باز كەسایەتی دیاری شاری هەولێر دەكەین كە نەوتی بۆ ئەم دەڤەرەش دابین كرد.

باسی لەوەشكرد پێوەری دەست نیشان كردنی خێزانەكان لە سەر بنەمای هێلی هەژاری دەبێت واتە هەر خێزانێك كە داهاتی مانگانەی لە چوارسەد هەزار دینار كەمتر بێت و توانای دابین كردنی پێداویستیە سەرەكیەكانی ژیانی خۆی وەك خۆراك، جلوبەرگ و شوێنی حەوانەوەی نەبێت بە تایبەت منداڵانی بێ سەرپەرشت، بێوەژنان، كەمئەندامان، كرێكاران، بێ كاران، كرێچیان خێزانەكانی بەندكراوان كە داهاتی مانگانەیان كەمترە لە 400 هەزار دینار لەو هاوكارییە سوودمەند دەبن.

ڕاگەیاندنی ئەم هاوكارییە بۆ سۆران، چۆمان، مێرگەسور و ڕواندز لە كاتێكدایە كە پێشتر ئەم هاوكارییە بەسەر 23 هەزار خێزانی هەژار و كەمدەرامەتی ناوەندی هەولێر دابەش كراوە.

زۆرترین بینراو