هاندەرانی تێنس دەچنەوە یاریگەكان

هاندەرانی تێنس دەچنەوە یاریگەكان

زاری كرمانجی- ئاژانسییە هەواڵییە وەرزشییەكان : بەرپرسانی پاڵەوانێتی تێنسی رۆلاند گارۆس هەواڵێكی دڵخۆشكەر بە هاندەران دەدەن و هەوڵی گەڕاندنەوەی هاندەران بۆ نێو یاریگەكان دەدەن.
بێرنارد گۆیدشێلی سەرۆكی یەكێتی تێنسی فەڕەنسا رایگەیاند، یارییەكانی پاڵەوانێتی تێنسی رۆلاند گارۆس بە ئامادەبوونی هاندەرانەوە بەڕێوەدەچێت.
بەرپرسانی پاڵەوانێتییەكە پلانیان داناوە كە بە رێژەی لە %50 - 60ـی هاندەران لە نێو یاریگەكاندا
ئامادەبن، رێژەی ئەم هاندەرانەش لە قۆناخی یەكەمی پاڵەوانێتییەكەدا 20 هەزار هاندەرو لە قۆناغەكانی كۆتاییشدا 10 هەزار هاندەر دەبێت، هەروەها ئامادەبوونی هاندەران لە پاڵەوانێتی كراوەی تێنسی فەڕەنسا هەنگاوێك دەبێت بۆ ئەوەی لە یارییەكانی دیكەشدا بتوانرێت رێژەیەكی دیاریكراو لە هاندەران لە نێو یاریگەدا ئامادەبن.
ئامادەبوونی ئەم هاندەرانەش بە مەرج دەبێت، دەبێت لە نێوانیاندا بۆشایی تەواو هەبێت بۆ ئەوەی بەریەك كەوتن نەبێت، هەروەها بەكارهێنانی دەمامك و دەستەوانەش یەكێكن لە مەرجەكان.
رۆلاند گارۆسیش هاوشێوەی پاڵەوانێتییە وەرزشییەكانی جیهان بەهۆی ڤایرۆسی كۆڕۆناوە وەستاوەو بڕیارە یارییەكانی لە رۆژی 21ـی مانگی 9ی داهاتوو بەڕێوەدەچن و لە رۆژی 11ی مانگی 10ی ئەمساڵ كۆتایی دێت.

زۆرترین بینراو