هاوكار غەفور: وانەی هونەر گرنگی پێ نادرێت

هاوكار غەفور: وانەی هونەر گرنگی پێ نادرێت


دیمانە: محەممەد مەحموود – رواندز

زۆر ئەوانەی دوای چەندین ساڵ لەهەوڵ و كۆشش دەرچوونەو خوێندن تواو كردووەو كەچی بەو بڕوانامەیە دانەمەزراون و نەیان توانیەوە لەو رێگەیەوە خزمەت بكەن، لەهەمان كاتیشدا مەرج نییە بڕوانامە هەلی كارو دامەزراندن لەبەردەم مرۆڤەكان بكاتەوە و كەسەكان بكاتە خاوەن كار ، ئەوەتا لەشاری رواندز دەرچووێكی پەیمانگەی هونەرجوانەكانی رواندز دوای تەواوكردنی قۆناغەكانی خوێندن لە بەشی شێوەكاری بەشێوەی ئەكادیمی كەچی سێ‌ ساڵە دانەمەزراوە بەڵام ئەو دەرچووە دەستەو ئەژنۆ دانەنیشتووەو چاوەڕوانی حكومەت ناكات تاوەكو دەرگای دامەزراندنی بۆبكاتەوە ، هاوكار غەفوری تەمەن ٢٥ ساڵ كەبەهۆی پسپۆری بەشەكەیەوە والێكردوە بە هاوكاری شێوەكار بناسرێت لەناو خەڵك ، بۆزاری كرمانجی دەڵێت" ناكرێت دەرچوو هەر چاوەڕێی حكومەت بكات بۆدامەرزاند ، دەبێ بتوانین ئێمە خۆمان بونیات بنێین ، من لە گەڵ ئەوەی دەرچووی بەشی شێوەكاریم لە پەیمانگەی هونەرەجوانەكانی رواندز لە ئێستا دا هیچ كارێكی دیاریكراوم نییە كە ئەنجامی بدەم لە رێگای بڕوانامەكەمەوە.
لەهاوكارمان پرسی ئایە خوێندن دەتوانێ كەسێكی بەرهەم هێن درووست بكات ، یان دەبێت كەسەكان خۆیان هەوڵ بدەن؟ ئەو لە وەڵامدا گووتی " بەڵێ خوێندن دەتوانێ كەسێكی بەرهەم هێن درووست بكات،ئەوەش بەوە دەكرێت و دەبێتە مەرجی سەركەوتن كە كەسە خۆی هەوڵی لە گەڵ بدات و پاڵپشتی باشت هەبێت.
ئەم دەرچووە وەك خۆی باسی دەكات سێ‌ ساڵە خوێندنی تەواو كردوە لەبەشی شێوەكاری پەیمانگەی هونەرە جوانەكانی رواندز ، بەهاوكارمان گووت" بۆچی وەك وانە بێژ لە قوتابخانەكان وانە ناڵێتەوە؟ ئەویش لەوەڵامدا گووتی" بۆیە كاری وانەبێژی ناكام چونكە موچەكەی تەنها بەشی تەكسی دەكات ئەگەر لە قوتابخانەیەك بم و هاتوچۆ بكەم ، گووتمان كرێی وانە بێژی كەمە بۆیە وانە ناڵێتەوە؟ هاوكارغەفور گووتی " بەڵێ پارەی وانەبێژی زۆریش كەمە،چونكە وانەی هونەر لە قوتابخانەكان لەبەشە وانەكانی هەفتە زۆر كەمە و گرنگی پێ نادرێت.
هاوكار باس لەوەش دەكات كە ساڵێكش لە پەیمانگە مامۆستا بووە وەك وانە بێژ كەچی دواتر وازی لە وانەبێژی هێناوە، لە ئێستادا ئەم دەرچووە بەبێ‌ كار دانەنیشتووەو كاری بۆیاغی خانوو،وێنەكێشانی سەر دیوار و كرێكاری دەكات، هەروەها هاوكاری شێوەكار خەریكی هەندێك كاری هونەری پەیكەر تاشیە لە سەر ئەركی خۆی، هاوكار ڕازیە لەو بڕە پارەییەی لە كرێكاری دەستی دەكەوێت و دەڵێت"بەو بڕە پارەییەی لە كرێكاری دەستم دەكەوێ كاری خۆم بەرێ دەكەم ، جگە لە كاری هونەری ئەم دەرچووەی پەیمانگە لە زۆر كاری تر شارەزای هەیە،بەتایبەتی لەدروستكردنی خواردنی خێرا.
هاوكاری شێوەكار دەشڵێت" من كاری ڕازاندنەوەو جوانكاریم بۆچەند قوتابخانەیەكیش كردووە كە بەو هۆیەشەوە پۆل و دیواری قوتابخانەكانم بەهۆیەكانی فێركردن و بابەتی پەروەردەی نەخشاندوە ، ئەم كارەش بۆتە جێگای ڕەزامەندی قوتابخانەكان و قوتابییان .
ئەم دەرچووەی پەیمانگەی هونەرە جوانەكان گلەیی ئەوەش دەكات كە لە ئێستادا هونەر لە رواندز وەكو خۆی گرنگی پێ نادرێت، رووی گلەیەكەشی زیاتر لە لایەنی پەیوەندی دارە،بۆئەمەش هاوكار باس لە وەدەكات"كەچەند پرۆژەیەكی هونەری پێشكەش بە قایمقامیەت و شارەوانی رواندز كردوە كەچی تا ئێستا وەڵامیان نە داوتەوە.
دەربارەی هەبوونی پەیمانگەی هونەرەجوانەكان لەشاری رواندز كە ئاخۆ تاچەند وایكردوە ئارەزوومەندانی بواری هونەر گەشە بە بەهرە و تواناكانیان بدەن بەشێوەێكی ئەكادیمی و زانستی، هاوكار دەڵێت " بێگومان تا ڕادەیەكی زۆر ئارەزوومەندانی بواری هونەر توانیویانە بەهرەو تواناكانی خۆیان بدۆزنەوە لە دونیای هونەر جا چ ژەنین بێت یان دەنگ یاخوت شێوەكاری.

بیروڕا

زۆرترین بینراو