هاووڵاتییانی باڵەكایەتی بە هەروەز كارەكانیان ئەنجام دەدەن

هاووڵاتییانی باڵەكایەتی بە هەروەز كارەكانیان ئەنجام دەدەن

مانەوەی كلتوری گیانی هاوكاری وتەبایی لە دێرزەمانەوە تائێستا لەنێو هاووڵاتییانی باڵەكایەتی لە سنووری قەزای چۆمان، پەیوەندیە كۆمەڵایەتییەكانی بەهێزنر كردووە.
هێمن سەباح گرتكی، خەڵكی دۆڵی رۆست لە دەڤەری باڵەكایەتی لە سنووری شارۆچكەی چۆمان، بە زاری كرمانجی راگەیاند " ئەم كلتورە جوانەی شانازی پێوەدەكەین، كە لەسەردەمی باب و باپیرانمانەوە تا ئێستا بۆمان ماوەتەوە، كە بریتییە لە گیانی هاوكاری كردنی هاووڵاتییانی دەڤەرەكە بەشێوەی هەروەز، لەكاتی ئەنجامدانی كاری كشتوكاڵی و دروێنەوە دروستكردنی خانوو...هتد، وایكردووە كە لە زۆربەی شوێنەكانی دیكە خۆزگە بە خەڵكی سنوورەكەمان بخوازن".
گووتیشی " بۆنموونە لە و وەرزی دروێنەی گەنم و جۆ و دانەوێڵەیە، خەڵكی دەستی هاوكاری بۆیەكتری درێژ دەكەن و بەشێوەی هەروەز و بە لاوك و حەیران، تەنها بە رۆژێك دروێنە بۆ خاوەنەكەی تەواو دەكەن، هەروەها زبارەی بڕینی چل و كۆكردنەوەی بۆ زستان، دروستكردنی خانووبەرەو چەندین هاوكاری دیكە، وایكردووە كارەكان بە ئاسانی تێپەڕبن.

زۆرترین بینراو