هاووڵاتییانی سۆران 63 ملیارد دینار قەرزدارن

هاووڵاتییانی سۆران 63 ملیارد دینار قەرزدارن

 موڕشید برادۆستی – سۆران: بەڕێوەبەرایەتی دابەش كردنی كارەبای سۆران ئاشكرای دەكات، هاوبەشانی كارەبا لە سنوورەكەیان ملیاران دینار قەرزی كارەبای نیشتیمانین لایە و شێوازی گەڕاندنەوە و بڕی لێخۆشبوون لە رێگەی زاری كرمانجی دەخاتەڕوو . وەفا سەعیدخان دۆلەمەری بەرپرسی كارگێڕی و راگەیاندن لە بەڕێوەبەرایەتی دابەش كردنی كارەبای سۆران بە زاری كرامانجی راگەیاند" هاوبەشانی كارەبا لە سنووری بەڕێوەبەرایەتییمان لە 75 لە حەفتا و پێنج هەزار و هەشت سەد هاوبەش پێكدێن، بەسەر جۆری ماڵان، بازرگانی ، كشتووكاڵ ، پیشەسازی، میری دابەش بوونە، بەسەرجەم جۆرەكانییەوە، زیاتر لە 63 ملیار قەرزی كارەبای نیشتیمانییان لایە و تا ئێستە نەیان گەڕاندۆتەوە . زیاتر گووتی" وەزارەتی كارەبا بە لەبەرچاوگرتنی دۆخی خراپی ئابووری خەلكی كوردستان و ئەوانەی قەرزای كارەبای نیشتیمانین، نزیك ساڵێكە لێخۆشبوونی بۆ هاوبەشانی كارەبا دیاری كردووە، بڕی لێخۆشبوونەكەش 15% بوو، بەڵام بەنوسراوی فەرمی ئاگادار كراینەوە كە ئەم لێخۆش بوونە تا كۆتای ئەم مانگەیە، دواتر مانگی دوو بڕی لێخۆش بوون بۆ 10% كەم دەكرێتەوە و لە مانگی ئاداریش بۆ دواین جار لێخۆش بوون بۆ خەلك و هاوبەشان دەكرێت و دەبێتە 5% ". گووتیشی" داوا لە هاوبەشانی كارەبا و ئەوانەی قەرزاری كارەبای نیشتیمانین، لە ماوەی ئەم ماوەیەدا قەزرەكانین بگەڕێننەوە، چونكە چیتر لێخۆش بوون بۆ قەرزی كارەبا ناكرێت و سوود مەندی ئەم دەرفەتە نابنەوە .

زۆرترین بینراو