هونەرمەند تەحسین تەها جگە لە سترانبێژ، ئەكتەریش بووە

هونەرمەند تەحسین تەها جگە لە سترانبێژ، ئەكتەریش بووە

لە بیرەوەریی ئۆغركردنی هونەرمەندی دیار و بەرچاوی كورد (تەحسین تەها) و هەڵدانەوەی لاپەڕەی پڕ لەسەروەری ژیانی هونەریدا دەردەكەوێ جگە لە بواری گۆرانی و موزیك وەك ئەكتەرێكی شانۆیش ڕۆڵی دیار و بەرچاوی بینیوە و لە ماوەی تەمەنیدا بەشداری لە چەندین كاری شانۆیی كردوە، بەڵام زۆر كەس بەو نهێنیە هونەرییەی ژیانی نەزانیوە و پێی ئاشنا نەبووە، ئەو هونەرمەندە كۆچكردووە پێش 24 ساڵ بەهۆی نەخۆشیەوە لە ڕۆژی 28 ی ئایاری ساڵی 1995 لە وڵاتی ئەڵمانیا چاوە پڕ لە خۆزگەكانی لێكنا و بۆ دوا جار كۆچی دوایی كرد، بەڵام لە ڕۆژی 4 ی حوزەیران تەرمەكەی هێنرایەوە زێدی لە دایك بوونی خۆی لە ئامێدی بە بەرچاوی جەماوەرێكی زۆر ئەسپاردەی خاك كرا، هونەرمەندی كۆچكردوو (تەحسین تەها) لە ساڵی 1941 لە دایك بوە و تا ئەو ڕۆژەی كۆچی دوایی كرد پتر لە 150 گۆرانی جۆرا و جۆری لە بواری خۆشەویستی و ئەڤینداری و نیشتمانی و شۆڕشگیریدا هەبوو كە دیاترین گۆرانیەكانی بریتی بوون لە (دایێ ولات شیرینە، تۆ خەون بووی هەمی گاڤا، ملەتێ مە نامرە، كاروانێ مەیێ ب ڕیڤە، نەورۆزە، شنی تازیا شەهیدان، دگەریا مندا هیشك بوون، هەی بارانێ هەی بارانێ، من خەم دەریایەكا كویرە، وەی دنیایێ و.. تد) بۆیە ئەو هونەرمەندە شایستەی هەموو شتێكە كە بۆی بكرێ و ڕێز لە بەخششەكانی بگیرێ، چونكە هەموو تەمەنی خۆی بە هونەر و میللەتەكەی بەخشی و لە بواری پەروەردە و فێركردنیشدا كەسێكی شیاو و بێ وێنە بوو بە شێوەیەك نەوەیەكی هۆشیار و ڕۆشنبیری پەروەردە كرد، هەر لەو بیرەوەرییە تاڵ و بە سۆیەدا لە ناخی دڵ و دەروونمانەوە هەزاران دروود و سڵاو بۆ ڕۆحی پاكی دەنێرین.

زۆرترین بینراو