هۆشداری درایە خاوەن ئاریشگاكانی سۆران

هۆشداری درایە خاوەن ئاریشگاكانی سۆران


زاری كرمانجی-سۆران: لێژنەی تەندروستی و ئابووری سۆران، هەڵمەتێكی پشكنینیان بۆ ئاریشگاكانی جوانكاری ئافرەتانی سۆران ئەنجامدا.
مینا تەها، بەرپرسی راگەیاندنی تەندروستی سۆران، بەزاری كرمانجی گووت "رۆژانە بەدواداچوون بۆ ئەم سكاڵاو گلەیانانی هاووڵاتیان دەكرێت كە ئاراستەی لێژنەی ئابووری سۆران دەكرێن، هاوكات دوای سكاڵا و گلەیی هاوڵاتیان لە ئارایشگاكانی جوانكاری ئافرەتانی سۆران، شەوی رابردوو بە هەماهەنگی لیژنە ئابووری سۆران، چەند ئاریشگایەكی جوانكاری ئافرەتانمان بەسەر كردووەو دوای پشكنین مۆڵەتی ئەوەمان پێدان كە بەزووترین كات كەم و كوڕییەكان چارەسەر بكەن، بەتایبەتی لە رووی هەبوونی ئامێرەكانی نەخشاندنی تاتۆ، لابردنی تاتۆ بێ مۆڵەت، یا بەراورد نەكردنی مۆڵەت و بڕوانامە، یا كار كردنی كەسانی بیانی و بێ مۆڵەت و چەند رێنمایی دیكە".
ئاماژەشی بەوەدا "ئەگەر خاوەن ئاریشگاكان بە زووترین كات رێنمایەكان جێبەجێ‌ نەكەن، ئەوە دووچاری لێپێچینەوەی یاسایی دەبنەوە، بە داخستن و سزادانیان.

بابەتى پەیوەندیدار جۆراوجۆر

زۆرترین بینراو