هیوا عوسمان" ئەگەر سانسۆر بۆ دراما بیانیەكان دانەنرێت كۆمەڵگە بەرەو دۆخێكی خراپ دەچێت

هیوا عوسمان" ئەگەر سانسۆر بۆ دراما بیانیەكان دانەنرێت كۆمەڵگە بەرەو دۆخێكی خراپ دەچێت

محەمەد ئامۆكەیی- زاری كرمانجی: هیوا عوسمان، دبلۆم لە یاسا و رێپێدراوی پۆلیس لە بەڕێوەبەرایەتی بەرەنگاربوونەوەی توندوتیژی دژی ئافرەتان و خێزان/ سۆران لە دیدارێكی رادیۆی زاری كرمانجی، باس لە كاریگەری دراما بیانیەكان  لەسەر خێزان و منداڵ، هەروەها هەڵبژاردنی كەسێكی شیاو بۆ هاوبەشی ژیان دەكات و رایدەگێێنت" ئەگەر باسی ڕۆلی میدیا و كەناڵەكانی ڕاگەیاندن بكەین بەگشتی و بەتایبەتیش ئەوانەی دراما بیانییەكان پەخش دەكەن، ئەبینین لە ئێستا و لە ڕابردووش زۆربەیان ڕۆلێكی سلبیان لەسەر تاك و كۆمەڵگا هەبووە، ڕۆلێكی بەرچاویان هەبووە لەسەر بەرەو ڕۆژ ئاوای بردنی كۆمەڵگای كوردی و گۆڕینی كلتوور و ئاداب و ڕەوشتی كۆنی باب و باپیرانمان، ئەمەش كاریگەریەكانی دەمێكە دەركەوتوون لەسەر كۆمەڵگا دەكرێ پێداچونەوە بكرێت بۆ ئەوەی كێشە كۆمەڵایەتییەكان كەم بكرێنەوە چونكە ئێمە ڕۆژانە دەیبینین و دەیبیستین كە تاك و كچان و كوڕانمان چۆن بەهەڵسوكەوتیانەوە دیارە كە لاسای ئەم درامایانەو كارەكتەری نێو دراماكان دەكەنەوە،  بێگومان دوورن لە ئاداب و كلتووری ئێمە و هەر ئەوەش ئەبێتە هۆی تێكدانی شیرازەی خێزان و هەڵوەشاندنەوەی خێزان و نانەوەی چەندین كێشەی كۆمەڵایەتی." بەداخەوە زۆربەیان بە جیابـونەوەی  هاوسەران و نانەوەی كێشەی كۆمەڵایەتی لەنێوان بنەماڵەكان و تێكدانی خووی تاك بەتایبەت تازە پێگەیشتوان و ئەوانەی ئاستی هۆشیاریان كەمە كۆتای پێ دێت، زۆر جار كوشتن و كوشتار و خۆسوتاندنیشی لێكەوتۆتەوە."
دەشڵێت" ئێمە زۆر جار بەحوكمی كارەكانمان ڕوبەڕوی ئەم جۆرە كێشانە بوینەتەوە كە دوای لێكۆڵینەوەی وورد بۆمان دەردەكەوێت كە كاریگەری ڕاستەوخۆی ئەو چیرۆكە ئەفسوناوی و دوور لەڕاستیانەی ناو دراماكان كاریگەری ڕاستەوخۆی هەبووە لە تۆڵەكردنەوە و خیانەت و داواكاری سەیرو سەمەرەی ڕەگەزی بەرامبەر لە هاوسەرەكەی و پێچەوانەكەشی، زۆر جار گوێ بیستی بووین كە چ ئافرەت یان پیاو داوایان لەیەكتر كردووە كە دەبێت تۆ وەكو فڵان ئەكتەر بیت یان شێوازی ژیان و هەڵسوكەوت و جل و بەرگ و هەتا ئۆتۆمبێل و زۆر شتی تر وەكو شێوازی فلانە كارەكتەرە بێت، ئەمە ڕێك بۆتە هۆی لێكـ ترازان و نانەوەی كێشە و هەتا جیابونەوە یان لەنێوان گەنجانمان ئەم تەقلیدكاریە زۆر باوە كە لەئەساسدا هیچ ڕاست نین بەڵكو چیرۆكێكی دروستكراو دوور لەواقیعە كە ناكرێ ئێمە خۆمان بەوانە بەراورد بكەین، چونكە زۆر جار ژیانی ئەو كارەكتەرانەشمان لە تیڤی و ماڵپەری ڕۆژنامەكانەوە بیستووە كە ڕێك پێچەوانەبووە و دوورە لە ڕاستی نێو فیلمەكانە
هیوا عوسمان، داواش دەكات  لە ڕێگای كەسانی شارەزا و پسپۆڕ و توێژەرانی كۆمەڵایەتی و لە ڕێگای وەزارەتی ڕۆشنبیری لیژنەیەك پێكبهێنرێت بەمەبەستی پێداچونەوە و دانانی سانسۆرێك لەسەر ئەم درامایانەو زۆربەی بەرنامەو پڕۆگرامەكانی زۆربەی كەناڵەكان، دڵنیام دەورێكی سەرەكی دەبێت لە كەمكردنەوەی كێشە كۆمەڵایەتییەكان و كێشەی نێوان هاوسەران بەتایبەت .
لە بارەی دیاریكردنی هاوبەشی ژیان هیوا عوسمان، ئاماژەی بەوەدا" هەڵبژاردنی كەسێكی شیاو بۆ هاوبەشی هەمیشەی ژیان دەكرێ پێش وەختە هەردوو ڕەگەز بناغەیەكی پتەوی بۆ دابڕێژن بۆ ئەوەی لە كوچێك كێشەیەك دروست ببێت بەزووی بە شێوازی لەیەكتر گەیشتن و بەئارامی چارەسەری بكەن، دەكرێ تەواوی زانیاری لەسەر پڕۆسەی هاوسەرگیری لەلایەن كەسانی پسپۆر و توێژەرانی كۆمەڵایەتی وەربگرن و ئاشنایەتی تەواویان پێیان هەبێت، دەكرێ كەسێك هەڵبژێریت لە زۆربەی بوارەكان نزیك بێت لەخۆت و لە هەڵسوكەت و لەڕوی چینایەتی و ئاین و لایەنی كۆمەڵایەتی، بۆ ئەوەی بتوانی لەقۆناغەكانی دوای هاوسەرگیری هامۆشۆی بكەیت و تێكەڵیان ببیت بەشێوەیەكی باش و گونجاو، ناكرێت خۆشەویستیەكی ساختە یان بەرژەوەندی ماددی یان كۆمەڵایەتی یان چینایەتی و قەوم و قەبیلە یان غەریزەی سێكس بكەیە پێوەرێك بۆ بەرژەوەندی خۆت، یان بكەیتە بناغەی دستپێكی ژیانێكی نوێی هاوبەش، چونكە ئەوانەن دواتر كە كاڵبونەوە و قۆناغە سەختەكان دێنە پێشەوە، لێرەدا كێشەكان سەر هەڵەدەن و ڕاكردن لەژێر بەرپرسیاریەتی دێتە ئاراوە بێگومان من ناوی دەنێم ڕاكردن لەژێر بەرپرسیاریەتی ژیانی هاوسەرگیری، بۆیە پێش وەختە دەكرێ پلان بۆ ئەمانە دابنرێت و ئامادەكاری بۆ بكەیت ئەوكات دڵنیام زۆربەی ئەو كێشانەی كە ئێستا هەن ڕوونادەن یان زۆر كەمدەبنەوە.

زۆرترین بینراو