هیچ رێنمایەك بۆ پێدانەوەی  قەرزی خانووبەرە بە هاووڵاتیان نەهاتووە

هیچ رێنمایەك بۆ پێدانەوەی قەرزی خانووبەرە بە هاووڵاتیان نەهاتووە

زاری كرمانجی-سۆران: بەڕێوەبەری بانكی خانووبەرەی سۆران، دەڵێت، دوای بڕیاری حكومەتی هەرێم، بۆ لێخۆشبوونی بەشێك لە پێشینەی خانووبەرە، هاووڵاتییانی سنوورەكە دەستیان كردووە بە گەڕاندنەوەی پارەكە.
فەرهاد جەلال، بەڕێوەبەری بانكی خانووبەرەی سۆران، بەزاری كرمانجی راگەیاند: "سنووری بەڕێوەبەرایەتییەكەمان هەر چوار قەزاكانی (سۆران، رواندز، مێرگەسۆر و چۆمان) لەخۆ دەگرێت، كە تا ئێستا لەم سنوورانە نزیكەی 12 هەزار كەس لە وەرگرتنی پێشینەی خانوبەرە سوودمەند بوونە، ئەگەرچی پێشتر سستێك هەبوو لە گەڕاندنەوەی قەرزەكە، بەڵام دوای بڕیاری حكومەتی هەرێمی كوردستان بۆ لێخۆشبوونی 15% پێشینەی خانوبەرە، لەئێستادا بەشێوەیەكی باشتر هاووڵاتییان سەردانمان دەكەن بۆ گەڕاندنەوەی قەرزەكانیان".
بەڕێوەبەری بانكی خانووبەرەی سۆران، گووتیشی: " دوای وادەی لێخۆشبوونی بەشێك لەو قەرزەی سوودمەندانی خانووبەرە تا سەرەتای مانگی 9ی داهاتوو دیاریكراوە، تائێستا نازانین ئایا وادەكە درێژ دەكرێتەوە یان نا بۆ ئەمە چاوەڕوانی بڕیاری حكوومەتین". ئەوەشی ئاشكراكرد: " سەبارەت بە دووبارە پێدانی قەرزی خانووبەرە بە هاووڵاتیان تائێستا هیچ رێنمایی و بڕیاری نوێمان بۆ نەهاتووەو دیارنیە ئایا كەی دەست پێدەكاتەوە.

زۆرترین بینراو