هەلە مەدرید

هەلە مەدرید

زاری كرمانجی- ئاژانسییە هەواڵییە وەرزشییەكان: هاندەرانی ریاڵ مەدرید لە هەر شوێنێكی جیهاندا بن لەگەڵ سەركەوتنەكانی ئەو تیمەدا درووشمی (هەلە مەدرید) دەڵێنەوە، بەتایبەت ئیسپانییەكان.
زۆرێك لە هاندەرە عەرەبەكانیش، ئەو وشەیە دەڵێنەوە وا لێی تێگەیشتون كە بەمانای (سڵاو مەدرید) دێت، بەڵام لەبنەڕەتدا و بە زمانی ئیسپانی هەلە مەدرید بەمانای (بۆ پێشەوە مەدرید) دێت.
هاندەرە عەرەبەكانی ریاڵ مەدرید زۆرێكیان وای بۆ دەچن كە هەلە لە وشەی (ئەهلەن)ی عەرەبیەوە هاتووەو وەك بڵێیت بەخێرهاتن یان سڵاوكردن دەگەیەنێت.
وشەی هەلە لە زمانی ئیسپانیدا بەمانای پشتگیرییكردن یان بۆ پێشەوە دێت و درووشمی بۆ پێشەوە مەدریدیان كردوەتە سومبولی یانە مەدریدییەكە.
لە كوردستانیش هاندەرانی ریاڵ مەدرید لەگەڵ لێدانی فیكەی كۆتایی هەر یارییەكی یانەی شاهانەدا تۆڕە كۆمەڵایەتییەكان دەتەنن بە وشەی هەلە مەدرید وەك خۆشەویستییەك بۆ ئەو یانە ئیسپانییە.

زۆرترین بینراو