هەنگاوێكی مژدە بەخش

هەنگاوێكی مژدە بەخش

 

كەمال یوسف

لەماوەی دوو هەفتەی ڕابردوو لە ژێر ڕاسپاردەی ڕێزدار (نێچیرڤان بارزانی ) سەرۆكی هەرێمی كوردستان، بڕێكی پارە وەكو هاوكاری بەسەر یانەكانی كوردستان دابەش كرا، بەڕاستی ئەمە هەنگاوێكی مژدە بەخشە، بۆ جارێكی تر دەست پێكردنەوە بە ئەنجام دانی چالاكی وەرزشی و كردنەوەی خول و پاڵەوانێتی، لەبەر ئەوەی لەگەڵ دەست پێكردنی هێرشەكانی داعش بۆ سەر كوردستان ئەو یارمەتیانە وەستا بوون، بۆیە ئەمە سەرەتایەكی باشەو مایەی دەست خۆشیەو لەسەر یانەكانیش پێویستە واز لە گلەیی بێنن و قۆڵی لێ هەڵماڵن و دەست بە جووڵە بكەنەوە، بەتایبەتی كە ئێستا سەرەتای دەست پێكی پشووی هاوینی قوتابیانە و خولەكان وەستاون، دەكرێ لە فێرگەو قوتابخانەكان دەست پێ بكەنەوەو خولی فێركردنی هاوینە بكەنەوەو هەوڵ بدەن منداڵ و قوتابی بەهرەمەند دەست نیشان بكەن ، چونكە هەر ئەو وەرزشوان و یاریزانەیە دوای چەند ساڵێكی تر دەبێتە ناوێكی دیارو بەرچاو لە خول و پاڵەوانێتیەكان وەكو ئەستێرەیەك دەدرەوشێتەوە ئەگەر پاڵپشت و پشتگیری بكرێ.گلەیی یانەكان لە نەكردنەوەی خولەكان نەبوونی پارە بوو، دەی ئێستا پارەتان وەرگرت و دڵنیاش بن لە ڕۆژانی داهاتووش ڕێزدار (مەسرور بارزانی)سەرۆكی حكومەتی كوردستان ، درێژە پێدەری سەرۆكی حكومەتی پێشوو دەبێ و گرینگی تەواو دەدات بە وەرزش و ژێرخانی وەرزشی.هەموو كات گرینگی دان بە وەرزش لە كارە سەرەكی و لە پێشینەكانی دەبێ.

زۆرترین بینراو