هەولی گۆرینی دیمۆگرافیای ناوچەكە دەدرێت

هەولی گۆرینی دیمۆگرافیای ناوچەكە دەدرێت

هەولی گۆرینی دیمۆگرافیای ناوچەكە دەدرێت


زاری كرمانجی: دوای سەرهەڵدانەوەی گرژی و ئاڵۆزییەكانی گوندی پەلكانەی سەربە ناحیەی سەرگەران، فراكسیۆنی پارتی لەپەرلەمانی كوردستان لە بەیاننامەیەكدا، رایانگەیاند" هیوادارین هەلەكانی سەردەمی بەعس دووبارە نەبنەوە".
لەسەر خاوەندارێیەتی زەوی و زاری گوندی پەڵكانە و چەند گوندێكی دیكە، بارگرژیی و مشتومڕی خەڵك‌ و لێپرسراوانی لێ كەتۆتەوە، كوردانی ئەو ناوچانە دەڵێن" لەژێر فشارداین و هەوڵی دەركردنمان دەدرێت و عەرەب لە شوێنمان نیشتەجێ دەكرێن، ئەمڕۆ زیاتر لە 20 خێزانی عەرەب بە پاڵپشتی هێزێكی زۆرەوە هاتوونەتە سەر گوندەكەمان و دەستیان بەسەر خانووی كوردەكان گرتووە".
فراكسیۆنی پارتی دیموكراتی كوردستان لەپەرلەمانی عێراق ئەمڕۆ 14-5-2019، لەبەیاننامەیەكدا لەسەر روداوەكان رایگەیاند" لەكاتێكدا كە عێراق بە قۆناغێكی سەختی سیاسیدا تێپەڕدەبێت و ناوچەكە پەرەسەندن و روداوی نیگەرانكەر بەخۆیەوە دەبینێت، ئەوەش دەخوازێت یەكڕیزی كۆمەڵایەتی سیاسی و پابەندبوون بە دەستور بپارێزرێت و هەڵەكانی سەردەمی رژێمی بەعس دوربارە نەبنەوە، كەچی دەبینین پیادەكردنی گۆڕینی دیمۆگرافی هێشتا لە گوندەكانی كەركوك لەلایەن پارێزگاری كەركوك و دەسەڵاتی سەربازیی ناوچەكەوە بەردەوامە بەتایبەت ئەمجارەیان لە گوندی پەلكانەو ناحیەی سەرگەڕان و 16 گوندی دەوروبەریدا".
لە بەیاننامەكەدا زیاتر هاتووە" بەتوندی ئەو رەفتارە شۆفێنیانە ئیدانە دەكەن و بە هەڕەشەیەكی جدیان دەزانن لەسەر بنەماكانی پێكەوەژیانی ئاشتیانە لەعێراق و كۆی پڕۆسەی سیاسی".
داواشی لە سەرجەم لایەنە پەیوەندیدارەكان كردوە " بە بەرپرسیارێتی خۆیان هەڵبسن بۆ ڕێگەگرتن لەو كردەوانە كە دژ بە دەستوری عێراقن و ناگونجێن لەگەڵ عێراقی نوێ".
زیاتر هاتووە "هەوڵەكانی گۆڕینی دیمۆگرافیای گوندەواری كەركووك بەردەوامە و پارێزگاری سەپێندراو و دەسەڵاتی سەربازی خەریكی گۆڕینی دیمۆگرافیای ناوچەكەن".

زۆرترین بینراو