هەڵبژاردەی توركیاو هەڵسوكەوتی نا وەرزشی

هەڵبژاردەی توركیاو هەڵسوكەوتی نا وەرزشی

وەرزش بەگشتی پەیامی ئاشتی وخۆشەویستی و تەندروستیە لە جیهانداو هەر جۆرە وەرزش و یارییەك تایبەتمەندی و جەماوەرو هاندەری خۆی هەیە, زۆر جاریش بۆتە هۆكارێك بۆ ئاشتبونەوەی دوو وڵاتی دوژمنكار, تەنانەت هەندێ یاری تۆپی پێ ئەنجامدراون لە نێوان دوو هەڵبژاردە كە بەدرێژایی دوژمن و ركابەری سەرسەختی یەكتربوونە, هەر وەك لە یاری نێوان هەڵبژاردەی ئێران و ئەمریكا لە یارییەكان جامی جیهانی 1998 لە فەڕەنسا بەیەك گەیشتن و ئەنجامەكەی 2-1 لە سوودی ئێرانیەكان بەكۆتاهات, زۆر بەگیانێكی وەرزشی و دوور لەشەڕ وئاژاوە یارییەكە تەواو بوو لە كۆتاییش هەموو یاریزانەكان سڵاو تەوقەیان لەگەڵ یەكتر كرد بێ سیاسەت و دوژمنكاری تێكەڵ بە وەرزش بكەن, بەڵام ئەو هەڵسوكەوتەی لە هەڵبژاردەی توركیا بینمان ئەمساڵ لە میانەی پاڵاوتنی جامی نەتەوەكانی ئەوروپا كە لەگەڵ هەڵبژاردەی ئەلبانیا ئەنجامیدا زۆر دوور بوو لە گیانی وەرزشی و ڕەوشتی یاریزانان, كاتێك گۆڵێكیان تۆماركرد هەموو یاریزانەكان بۆ دەربڕینی خۆشی بەیەكەوە لە بەرامبەر كامیراو جیهاندا سلاوێكی سەربازیان كرد وەك ئاماژەو پاڵپشتیەك بۆ سەربازانی توركیا لە هێرشەكانیان بۆ سەر رۆژئاوای كوردستان و كوشتن و بڕینی خەڵكی سڤیل و ئافرەت و منداڵ , ئەو رەفتارە ناوەرزشی و نا مرۆڤانەیە وایكرد یەكێتی تۆپی پێ جیهان (فیفا ) بێتە دەنگ و لە راگەیاندراوێك دا ئاماژەی بەوە كرد پێویستە هەڵبژاردەی تۆپی پێ توركیا سزا بدرێت و نابێ وەرزش و سیاسەت تێكەڵ بكرێت و ببێتە بەشێك لە ململانی سیاسیەكان نێوان وڵاتان.

 

بابەتى پەیوەندیدار وەرزشى

زۆرترین بینراو