وەرزش مێژوویەكی جوانی پێكەوە ژیانی ئایینی و نەتەوەییە لە دیانا

وەرزش مێژوویەكی جوانی پێكەوە ژیانی ئایینی و نەتەوەییە لە دیانا

بە دروشمی وەرزش كۆمان دەكاتەوە، ناوەندی دیانا بۆ راگەیاندن لە پێناو خزمەتكردن بە بواری وەرزش و وەرزشكاران و پێكەوە ژیانی ئایینی و نەتەوەیی و خۆشەویستی و مرۆڤایەتی لە مێژینەی دانیشتووانی دیانا.
خولێكی تۆپی سەرمێزی بە بەشداری گۆمەڵێك گەنج و لاوی وەرزشكارو وەرزشوان لە هەردوو نەتەوەیی ئاشووری و كورد لە بارەگای نەوەندی دیانا بۆ راگەیاندن كردەوە.
دوای بەرێوەچوونی یارییەكانی بۆ ماوەی چوار رۆژ و ململانێی یاریزانانی بەشداربوو لە پاڵەوانیەتیەكەدا هەردوو یاریزان نافع شێخۆ و ئومێد یوسف توانیان بگەنە یاری فیناڵ.
لە مەراسیمی كۆتاییدا بەر لە بەرێوەچوونی یاری كۆتایی لە نێوان هەردوو یاریزان، یارییەكی یەك گێمی لە نێوان دوو یاریزان و وەرزشوانی دێرین لە نەتەوەی ئاشووری و كورد وەك نەمایشێك رێكخرا، پاشان هەردوو یاری لە سەر پلەی یەكەم و دووەم و سێیەم و چوارەم بەرێوەچوون.
لە ئەنجامدا یاریزان نافع شاكر توانی ببێتە پاڵەوانی خولەكەو جامی پاڵەوانیەتیەكە بە دەست بێنیت، یاریزان ئومێد یوسف خەلاتی دووەمی بەركەوت و یاریزان محیەدین مەحموودیش توانی پلەی سێیەمی مسۆگەر بكات، پێشكەشكردنی خەلات و دیاری و جامی خولەكەش بە یاریزانانی سەركەوتوو بەشی كۆتایی مەرسیمەكەی پێكهێنا.
(ئیڤان جانێ‌) بەرپرسی ناوەندی دیانا بۆ راگەیاندن لە لێدوانێكدا زیاتر تشكی خستە سەر ئامانج لە كردنەوەی خولی پینگ یۆنگ.
ئیڤان جانێ‌: پێكەوە ژیانی ئایینی نەتەوەیی و كۆكردنەوەی وەرزشوانان و وەرزشكارانی لە یەك شوێن ئامانجی سەرەكیمان بوو، لە كاتی خۆیدا كاتێك هەڵبژاردەی دیانا یاری تۆپی پێ‌ هەبوایە جگە لەوەی تیپەكە لە هەردوو ئایین و نەتەوە پێكهاتبوو، هەموو لایەك بە گەورەو بچووك بە كچ و ئافرەتان پێكەوە هانی یاریزانانیان دەدا، خۆشەویستیان بۆ ناوی دیانا و پێكەوە ژیان زۆر جوان و گەورە بوو.
بۆیە بیرمان كردەوە لەوەی پێویستە گەنج و لاوەكانی هەردوولا كۆ بكەینەوە تاكو بزانن پێكەوە ژیان و خۆشەویستی و مرۆڤایەتی گەورەترین جوانی و میهرەبانی هەردوو ئایین و نەتەوەییە لە سۆران بەگشتی و لە دیانا بە تایبەت.

بیروڕا

زۆرترین بینراو