وەڵاتیێن پارێزگەها دهۆك ب رێكا زاری كرمانجی بەحس ل گرنگیا گۆهرینا پارێزگەهی دكەن

وەڵاتیێن پارێزگەها دهۆك ب رێكا زاری كرمانجی بەحس ل گرنگیا گۆهرینا پارێزگەهی دكەن

رەمەزان هەرنی – دهۆك: پشتی ساڵا 2014 فەرهاد ئەمین ئەترووشی، وەك پارێزگەهێ‌ دهۆك هاتیە هەڵبژاردن ل وی دەمی شەڕێ‌ داعش دەستپێكر و ژمارەكا زۆرا ئاوارو پەنابەرا ل هەرێما كوردستانێ‌ ئاكنجی بوون و رێژا هەر زۆر كەفتنە سنوورێ‌ پارێزگەها دهۆك، رۆژا 25/6/2020 د.عەلی تەتەر نێروەیی، بەرپرسێ‌ بەرێ‌ یێ‌ لقێ‌ 10 ێ‌ سۆران و لقێ‌ 8 ل زاخۆ لسەر پشكا پارتی دیموكراتی كوردستان، وەك پارێزگەرێ‌ نویێ‌ دهۆك دەستبكاربوو وەڵاتیێن دهۆك چاڤەرێ‌ گۆهرینا دكەن ل پارێزگەرێ‌ نو.
پارێزەر كاوار حەمید باڤی، ل دهۆك بۆ زاری كرمانجی راگەیاند" پڕانیا گوهورینان كاریگەریا خۆ هەیە ئەگەر كەسێن دهێن دەستنیشانكرن دویف هندەك پیڤەران بن و ژبەر هندێ ژی پرانیا سیستەمێن وەلاتێن پێشكەفتی بۆ پۆستان چ ب دەنگدان و چ ب بڕیار چوار ساڵ هاتینە دەستنیشانكرن و ئەڤەژی ژ ڤاڵاتیەكێ‌ نەهاتیە بەڵكو دیتنەكا ب بەڵگەیە پرانیا كەسان دەمێ بۆ چوار ساڵان ل پۆستەكی بیت چ شیان هەبیت دێ مەزێخیت و یان دڤێت بلندتر لێ بهێت یان ژی دڤێت كەسەك ل جهی بهێت دانان ژبەركو چوو تشتەكێ نوێ ڤێ نامینیت د ئەوێ بازنەیێ دا وەكی یا زانا ئاڤ هەمی تشتێن پیس پاقژ دكەتن بەلێ بۆ ماوەیەكێ درێژ لـ جهـ بمینیت دێ ئەو بخۆ پیس بیت لەوما گەلەك جاران گوهورین د فەر و پێدڤی نە و باوەرین دێ كاریگەریا خۆ یا باش هەبیت و دێ نویاتیەكێ د كاری دا پەیدا كەتن، دەمێ هاتنا پارێزگارێ بوری دبیت وەكی دەم یێ گونجایی نەبوو و هاتنا پارێزگارێ بوری تێكەڵی گەلەك قەیرانان بوو ژوان برینا بودجێ و داعش و ئاوارە و گەلەك كاودانێن دی یێ نەخۆش و ئەڤان هەمیان كاریگەریا خۆ یا خراپ لسەر بەرنامە و پلانا وی هەبوویە بێ گۆمان و باوەڕم نەشیایە وەكی وی ڤیایی كار بكەین و ئەڤە ئەوێ نا گەهینیت كو كێماسی نەبووینە د ماوەیێ وی دا بەلێ د هەمان دەم دا ئەوێ ژی ناگەهینیت كو چ نەهاتیەكرن و چ نەكریە نەخێر كار ژی هاتینەكرن و دبیت گەلەك ژ ئەوان د پێشچاڤ بن بەلێ د حەزا خەڵكی دا نەبن ژبەر ئەگەرێن مە پێش وەخت گۆتین.
رۆژنامەڤان زێرەڤان تەمو ل ئاكرێ‌ بۆ زاری كرمانجی راگەهاند"هیڤی و ئومێدا مەیە كوبكاریت ب سەركەڤتیانە كارێ خۆ ئەنجام بدەت ل گوری دەسهەڵاتیێن هەیی و گاڤێن هەژی باش بهەلینیت ب تایبەت ل وارێ خزمەتگوزاریان كو ب ڕاستی ژی ل سەر ئاستێ پارێزگەهێ زۆر كێم و كاسی هەنە و ئەڤ چەند بوویە جهێ گازندەیا زۆرا وەڵاتیان هەڤدەم ئەڤ نەدادپەرواری و نەئێكسانیا هەی دناڤبەرا قەزایێن پارێزگەهێ ئەڤ ئێك ژی ئێك وان خالێن زەقە كو ل بادینان دهێتە دیتنن تایبەت باژێرێ ئاكرێ یێ هاتییە بیركرن ژ هەمی روویەكێ خزمەتگوزاری ڤە، پارێزگارێ بووری وەكوخوویا ل ماوێ شەش ساڵێن كاركرنا خودا سەرهەلی قەیران دیف قەیرانا بیت وەك قەیرانا دارایی و شەرێ داعشێ و هاتنا پەتایا كۆڕونایێ و هاتنا زۆرا ئاواران بۆ پارێزگەها دهوكێ ئەڤە هەمی بوونە ئەگەر كو وەكو پێتڤی نەشیا خزمەتەكا بەرچاڤ ئەنجام بدەت و ئەڤ چەند ژی ببوو جهێ گازندەیا وەڵاتیان، ئەگەر پارێزگارێ دهوكێ یێ نوی وان فەرق و جوداهیێن بەری نها دهاتنەكرن دناڤبەرا هەر حەفت قەزایێن پارێزگەهێ لابەت و كارێن دەسپێكی و مافێن سەرەتایێن وەلاتیان پێشكێش بكەت ژ گاڤ و پڕوژێن خزمەتگوزاری وی دەمی دێ بیتە جهێ رەزامەندیێ كو ئەڤ چەند ژی كێمترین وەفادارییە بۆ خەلكێ پارێزگەهێ.
عادل خێركی، پسپۆر د سیاسەت و كارگێریا گشتی دا ل زاخۆ بۆ زاری كرمانجی دەڵێ" گۆهرینا پارێزگەهێ دهۆكێ پێدڤیەكا رەوشێ بوو، ئەگەر چەند پڕۆژە و خزمەت ژی ل سەر دەستێ وی هاتبیتە ئەنجامدان د هەمان دەم دا، ماوەیەكێ درێژە دهۆك ژ ئالیێ كارگێری ڤە لەنگییەك د ئیدارا دهۆكێ دا پەیدا ببوو كو ببوویە ئەگەر خەلكێ هندەك ژ قەزایێن سەر ب دهۆكێ ڤە، پارێزگەهێ بەرێ ب پارێزگەهێ خوە نەدزانین و ئەڤ چەندە د سوشیال مێدیایێ دا ب ئاشكەرایی دهاتە دیتن ژبلی كو دەستهەلاتا وی ل سەر دەستهەڵاتا ئەنجومەنێ پارێزگەهێ ڕا بوو، د رەوشا كۆرۆنا پەیدا بووی ژی دا شیانێن وی یێن ئیداری بۆ ب رێڤەبرنا خەڵكی و رەوشێ وەكو خواستا خەڵكی و دبیت یا ئەنجۆمەنێ وەزیران ژی نەبووبیت ب تایبەت ل دەمێ زێدەگاڤی ل سەر مافێ ئیكەم تۆشبوویێ كۆرۆنایێ كری و بوویە ئەگەر ژ كاری بهێتە لادان و د خۆنیشاندانێن ڤێ دوماهیێ یێن دهۆكێ دا، رۆلەكێ خراب گێرا د تێكدانا باڵاتسا پەیوەندیێن پارتی و حزبێن دیتر دا ب تایبەت ل دەمێ بۆچوونا خوە دیاركری لدۆر دەركرنا كادرێن یەكگرتۆیا ئیسلامی د پۆستێن ئیداری دا ل دهۆكێ، پارێزگارێ نوو دێ پتر شێت خەڵكی رازی كەت پتر دێ یێ زاڵا بیت ل سەر بەرنامەیێ حكومەتێ بۆ پارێزگەها دهۆكێ و خەڵكێ تەڤ قەزایێن سەر ب دهۆكێ ڤە رێزێ لێ دگرن و دێ هەمی رێڤەبەریێن دهۆكێ ژی هەڤكار بن دگەل دا ژبەركو پارێزگەهێ بووری سەنگا خوە د ڤی واری دا ژ دەست دابوو، هەر د ناڤ پارتی ب خۆ دا خەڵكەكێ زۆر ژێ رازی نەبوو، خەڵكێ پارێزگەها دهۆكێ ژی ب وێ ئۆمێدێ یە پارێزگەهێ نوو گۆهرینان بكەت و خەڵكەكی رازی بكەت و بێ جۆداهی خزمەتا هەمی قەزایان بكەت و سینگەكێ بەرفرەهـ بۆ رەخنە و گللەیێن خەڵكی و رۆژنامەڤانا هەبیت.
شیلان دۆسكی، چالاكڤانا جڤاكێ‌ سڤیل ل دهۆكێ‌ بۆ زاری كرمانجی گووت" رەوشا نوكە دهۆك تێدا دبووریت پێدڤی ب گوهرین و گۆڕانكارێن كارگێری هەیە، بۆ پێشبینیكرن ل دوور پارێزگەهێ‌ نوی وەكو بەرێ یێ‌ بووری بیت یان دێ‌ ژلایێ‌ كارگێری ڤە بەرفرەهیی ب بزاڤا خزمەتگوزاریا دەت، هیڤیدارین پارێزگەهێ نوی شیانێن وی زێدەتر تر بن خۆ باش بۆ ڤێ‌ كاودانێ‌ دەڤەر تێدا دبووریت، د هەماندەمدا چاڤدێریەكا باش ل رەوشا بازاری دا بكەت و وەك هەڤیەكێ‌ دروستبكەت، دپارێزگە ها دهۆكێ دا پاراستنا باڵانسا جڤاكی و سیاسیا باژێری و جوانتر بكەت و د بوارێ‌ ب رێڤە برنێدا، هیڤیدارین ڕەوشا دهۆكی ب خزمەتكرنا ئاكنجێن وێ خاڵەكا دی بدەتە ستراتیژیەتا كارێ‌ پارێزگەهێ‌ نوێ‌ چاڤ ل كێمكرنا بهایێ كلینیكێن نوژداران بیت و ئاریشا ئە مپێرا كارەبێ كۆ وەك پارێزگەهێن دی لێ بهێن دگەڵ كاركرن بۆ ڤەكرنا كارگەهێن جۆرا و جۆر داكو رێژا بێكاریێ دناڤ پارێزگە ها دهۆكێ دا كێم ببیت.

زۆرترین بینراو