وەیسی سەعید: بەدواداچوو بۆ سكاڵای ئەو هاووڵاتییانە دەكەین كەمافیان لە كۆمپانیاكانی عومرە ماوە

وەیسی سەعید: بەدواداچوو بۆ سكاڵای ئەو هاووڵاتییانە دەكەین كەمافیان لە كۆمپانیاكانی عومرە ماوە

محەمەد هەسنانی-هەولێر: بڕیاردەی لیژنەی ئەوقاف و كاروباری ئایینی دەڵێت، داوامان كردووە ڕێژەی حەج بۆ خانەوادەی شەهیدان زیاتر بكرێت، بەدواداچونیش بۆ سكاڵای هاووڵاتییان دەكرێت كەمافیان لە كۆمپانیاكانی عومرە ماوە.
وەیسی سەعید وەیسی، بڕیاردەی لیژنەی ئەوقاف و كاروباری ئایینی لە پەرلەمانی كوردستان، بە زاری كرمانجی راگەیاند " لەم هەفتەی رابردوو وەك لیژنەی ئەوقاف و كارباری ئایینی، بەمەبەستی تاوتوێكردنی چەند پرسێكی پەیوەست بە كاری لیژنە كۆبوونەوەی ئاسایی خۆمان ئەنجامدا، لەسەرەتایی كۆبوونەوەكە خوێندنەوە بۆ سەرجەم ئەو نووسراو و ڕاپۆرتانە كرا كە ئاراستەی لیژنە كرابوون و دوای گفتوگۆكردن ئەوانەی پێویست بوون وەڵامیان درایەوەو ئەوانەی تریش ئاراستەی لایەنی پەیوەندیدار كران، بەمەستی بەدواداچوون و چارەسەركردنیان".
گووتیشی " هەر لە كۆبوونەوەكەدا قسە لەسەر دواكەوتنی پرۆسەی حەجی ئەمساڵ كرا، كە بەهۆی ڤایرۆسی كۆرۆنا ئەمساڵ گەشتەكە ئەنجام نادرێت، جەختیش لەوە كرایەوە كە هیچ هاووڵاتییەك بێ بەش نەبێت، كە ناویان بۆ حەجی 2020 گەڕاوەتەوەو ساڵانی داهاتوو فەریزەی حەج بەجێ‌ دەگەێنن، هەروەها بە پێویستیش زانرا كە داوا لە سەرۆكایەتی ئەنجوومەنی وەزیران بكرێت، ڕێژەی حەج بۆ خانەوادەی شەهیدان زیاتر بكرێت لەوەی پێشتر كە دیاریكرا بوو".
بڕیاردەی لیژنەی ئەوقاف و كاروباری ئایینی، ئاماژەشی بەوەدا " تەوەرێكی تری كۆبوونەوە قسەكردن بوو لەسەر سكاڵا و گلەیی هاووڵاتییان لە كۆمپانیەكانی تایبەت بە گەشتی عومرە كە مافی خەڵكەكەیان لا ماوە، بڕیار درا ئەو سكاڵانە ئاراستەی ئەنجوومەنی وەزیران بكرێن، هەرەوەها جەختكرایەوە لە چارەسەركردنی كێشەكانی قوتابیانی ئایینی، بەمەبەستی وەرگرتنیان لە زانكۆ و پەیمانگاكان، بۆ ئەمەش لیژنە بڕیاریدرا بانگهێشتی وەزیری خوێندنی باڵا بكرێت".
وەیسی سەعید وەیسی، ئەوەشی خستەروو " لە كۆتایی كۆبوونەوەكەدا لەلایەن ئەندامانەوە داوا كرا هەوڵ بدرێت بۆ گەڕانەوەی قوتابخانە ئاینییەكان بۆ سەر میلاكی وەزارەتی ئەوقاف و كاروباری ئایینی.

زۆرترین بینراو