پارێزگای هەولێر روونكردنەوەیەكی له‌باره‌ی سەرپێچیەكانی كارەبا بڵاوكردەوە

پارێزگای هەولێر روونكردنەوەیەكی له‌باره‌ی سەرپێچیەكانی كارەبا بڵاوكردەوە

راگەیاندنی پارێزگای هەولێر رایدەگەیەنێت، لەگەڵ بڕینی سەرپێچیەكانی كارەبا هاوڵاتیان دەتوانن سەردانی فەرمانگەكانی كارەبا بكەن بەبێ ئەوەی هیچ غرامەیەك بكرێن. دەشڵێت،"ئەو هاولاتیانەش كە پارەی كارەبایان زۆر لەسەر كۆبوەتەوە بۆیان دەكرێت بە 12 قیست ئەگەر ئامادەبن بۆ دانی ئەو قەرزانەی لەسەریانە.

لە رونكردنەوەیەكدا كە لەهەژماری تایبەتی پارێزگاری هەولێر بڵاوكراوەتەوە، ئاماژە بەوەشكراوە،"ئەو هاوڵاتیانەی خۆیان فەرمانبەرن لەمەودوا پێویست ناكات (كەفیل) لەگەڵ خۆیان ببەن بۆ مامەڵەی بەستنی پێوەر، تەنها پاڵپشتیەكی فەرمانگەكەی خۆیان پێبێت كە موچەی تێدا نوسرابێت."

دەقی رونكردنەوەكە:-

روونكردنەوەیەك سەبارەت بە هەڵمەتی برینی كارەبای زێدەرۆی لەچەند خاڵێكدا دەیخەینەروو.

1- هاوكات لەگەڵ دەستپێكردنی هەڵمەتی برینی كارەبای زێدەرۆی لە رێكەوتی 2/2/2020ئاگاداری هاوڵاتیانی شاری هەولێر دەكەینەوە كە پرۆسەی بەستنی پێوەری كارەبا بۆئەو یەكانەی بەزێدەرۆی دروستكراون بەردەوام دەبێت و هاوڵاتیان دەتوانن سەردانی فەرمانگەكانی كارەبا بكەن، بەبێ‌ ئەوەی هیچ غرامەیەك بكرێن . لەهەرشوێنێكیش لیژنەكانی بڕینی كارەبای زێدەرۆی بینیان پێوەر بۆئەو یەكانە نەبەسترابوو كەتەجاوزن ۰ نیشتە جێبوون بێت یاخود بارزگانی یان كشتوكاڵی ، كارەباكەیان بەشێوەیەكی كاتی دەبڕن تائەو كەسە لەزووترین كات پێوەر دەبەستێت ، بەڵام هیچ غرامەیەك ناكرێت .

2- سەبارەت بەیەكەكانی نیشتەجێبوون كە تاپۆیان هەیە هەروەها شوێنەكانی بازرگانی یان كشتوكالی كە مۆلەتیان هەیە . ئەوانەش دەتوانن بەردەوام بن لە لابردنی زێدەرۆیی لەسەركارەبا ، هیوادارین بەرەزامەندی خۆیان و پێش گەیشتنی تیمەكانمان لای ببەن . بۆئەوەی غەرامەنەكرێن و رێو شوێنی یاسایان بەرامەبەر نەگیرێتە بەر .

3- ئەو هاولاتیانەش كە پارەی كارەبایان زۆر لەسەر كۆبۆتەوە بۆیان دەكرێت بە 12قیست ئەگەر ئامادەبن بۆدانی ئەو قەرزانەی لەسەریانە .

4- ئەو هاوڵاتیانەی خۆیان فەرمانبەرن لەمەودوا پێویست ناكات كەفیل لەگەڵ خۆیان ببەن بۆ مامەلەی بەستنی پێوەر، تەنها پالپشتیەكی فەرمانگەكەی خۆیان بێبێت كە مووچەی تێدا نووسرا بێت.

5- ئەو هاولاتیانەی كەفەرمانبەرنین دەتوانن كەفیلێك ببەن ، بەڵام هیچ مەرجێك بۆرێژەی مووچەكەی داناندرێت وئەو مەبلەغانە هەڵگیراون كە پێشتر داندرابوون .

ئەو خالانەش لەپێناو كارئاسانی بۆ هاوڵاتیان لەكۆبوونەوەی پارێزگای هەولێر لەگەڵ وەزارەتی كارەبا بڕیاریان لەسەردراوە .

راگەیاندنی پارێزگای هەولێر

زۆرترین بینراو