پارە بەسەر هاووڵاتییان دابەش دەكرێت

پارە بەسەر هاووڵاتییان دابەش دەكرێت

زاری كرمانجی-هەولێر: حكوومەتی هەرێمی كوردستان بڕی 15 ملیار دیناری تەرخان كردووە بۆ ئەو كەسانەی هەژار و كەمدەرامەتن و بەهۆی پەتای كۆرۆناوە زیانیان بەركەوتووە.
پێی زانیاریەكانی دەزگای زاری كرمانجی، بەهۆی بڵاو بوونەوەی پەتای كۆرۆناوە خەڵكێكی زۆر بێ كار ماونەتەوە و هەروەها كەسانێك هەژارو كەمدەرامتن و بۆ ئەم مەبەستە حكوومەتی هەرێمی كوردستان بڕی 15 ملیار دیناری تەرخان كردووەو زیاتر لە 130 هەزار خێزان لەم هاوكاریانە سوودمەند دەبن و لیژنەیەك بۆ ئەو مەبەستە پێكهێندراوە و سەرپەرشتی فۆڕمەكان دەكات، ئەو كەسانەی لە وەرگرتنی ئەو فۆڕمانە سوودمەند دەبن ئەو كەسانەن كە بەهۆی ڤایرۆسی كۆڕۆناوە زەرەرمەند بوون و بە بەڵگەوە سەلماندوویانە كە لە كاتی بڵاو بوونەوەی پەتاكە بێكار بوون و هەژار و كەمدەرامەتن و كەسانی خاوەن پێداویستی تایبەتن،".
هەروەها لە رێگەی بەڕێوەبەرایەتییەكانی وەزارەتەكەمان لەهەموو پارێزگاكانی ناوی سوودمەندبووان تۆمار دەكرێت و چەند مەرجێكیش دیاری كراون، چونكە هاوكاریەكە دوو جۆر خەڵك دەگرێتەوە، یەكەم ئەوانەی بەهۆی كۆرۆناوە كارەكەیان لەدەستداوە و ژیانیان لەسەر رۆژانە بووە، لەگەڵ ئەوانەش كە بێسەرپەرشتن یانیش هیچ مووچە و داهاتیان نییە و كەمدەرامتن.

زۆرترین بینراو