په‌یاما سه‌رۆكێ هه‌رێما كوردستانێ بۆ جه‌ژنا چلێ هاڤێنێ یا ئێزدییان

په‌یاما سه‌رۆكێ هه‌رێما كوردستانێ بۆ جه‌ژنا چلێ هاڤێنێ یا ئێزدییان

جه‌ژنا چلێ هاڤینێ یا خوشك و برایێن ئێزدی ل هه‌می ئێزدییان ل كوردستانێ و ل هه‌ر ده‌ره‌كا جیهانێ بن، بتایبه‌تی ژی جه‌ژنا ئێزدی یێن كو هه‌تا نهۆ ژی ژیانا خۆ د كه‌مپێن ئاواره‌ییێدا ده‌رباز دكه‌ن، ب گه‌رمی پیرۆز دكه‌م. هیڤیدارم جه‌ژن بۆ ئێزدییان و هه‌می كوردستانێ ب خێر و شاهی ڤه‌گه‌ڕیت و ئه‌م هه‌می جه‌ژن و بیرهاتنێن خۆ یێن بهێن، د ڕه‌وشه‌كا باشتردا بگێڕین.

هه‌ر ب ڤێ هه‌لكه‌فتنێ جاره‌كا ب ڕێز و شكۆداری هه‌می خوشك و برایێن مه‌ یێن ئێزدی یێن قوربانی یێن ده‌ستێ تیرۆرێ ببیر تینین، سلاڤ و دروودان بۆ گیانێ وان دهنێرین، مالبات و كه‌سوكارێن هه‌می ڕه‌ڤاندییان ژی پشتڕاست دكه‌ین كو هندی خوشك و برایه‌كێ مه‌ یێ ئێزدی وندا مابێت، دێ لسه‌ر هه‌ولا ڤه‌دیتن و ڤه‌گه‌ڕانا وان و خویابوونا چاره‌نڤیسێ وان به‌رده‌وام بین.

جه‌ژنه‌كا ئارام بۆ هه‌می ئێزدییان دخوازم، ب هیڤیا كو جه‌ژنێن بهێن هه‌می ئێزدییێن ئاواره‌ ڤه‌گه‌ڕیابنه‌ سه‌ر مال و جهێن خۆ یێن ئاڤه‌دانكری. دیسا جه‌ژنا هه‌میان پیرۆز بیت، هه‌ر سال ب خێر و خۆشی.

 

نێچیرڤان بارزانی

سه‌رۆكێ هه‌رێما كوردستانێ

2/8/2020

زۆرترین بینراو