په‌یامی سه‌رۆكی هه‌رێمی كوردستان بۆ سەری ساڵی نوێی کۆچی

په‌یامی سه‌رۆكی هه‌رێمی كوردستان بۆ سەری ساڵی نوێی کۆچی

زاری كرمانجی- نێچیرڤان بارزانی سه‌رۆكی هه‌رێمی كوردستان به‌ بۆنه‌ی هاتنی سه‌ری ساڵی نوێی كۆچییەوە پەیامێك بڵاودەكاتەوە، ئەمەی خوارەوە دەقی پەیامەكەیە:

یەکی موحەڕرەم، سەری ساڵی نوێی کۆچی لە تێکڕای موسڵمانانی کوردستان، عێراق و جیهان پیرۆز بێت، هیوادارم ساڵی نوێی کۆچی، کۆتاییی مەینەتی و گرفت و كێشه‌كان بۆ موسڵمانان و کۆی مرۆڤایەتی لەگەڵ خۆیدا بهێنێت، ساڵێکی پڕ لە خێر و خۆشی بۆ هەموو لایەک ده‌خوازم.

خوای مەزن پەتای کۆرۆنا و لێکەوتە سەختە ئابووری و تەندروستییەکانی لە کۆڵ جیهان بکاتەوە، له‌ سایه‌ی پێكه‌وه‌ژیان و لێبورده‌یی، شادی و سەقامگیری و خۆشگوزەرانی ڕوو بکاتەوە کوردستان، كوردستانییانی ئازیز و ته‌واوی مرۆڤایه‌تی سه‌لامه‌ت و پارێزراو بن.

هه‌موو ساڵێك به‌ خۆشی و له‌ هه‌موو لایه‌ك پیرۆز بێت.

 

نێچیرڤان بارزانی

سەرۆکی هەرێمی کوردستان

29 ژو الحجە 1441ی كۆچی

19/8/2020

 

بیروڕا

زۆرترین بینراو