پڕۆژەی بردنی رێگا بۆ كوێستانەكانی رواندز جێبەجێ‌ دەكرێت

پڕۆژەی بردنی رێگا بۆ كوێستانەكانی رواندز جێبەجێ‌ دەكرێت

زاری كرمانجی-رواندز: پڕۆژەی چاككردنی رێگای چەند شوێنێكی گەشتیاری لە سنووری قەزای رواندز دەكەوێتە واری جێبەجێ‌ كردنەوە.
چیایی محەمەد، بەرپرسی بنكەی گەشتوگوزاری رواندز، رایگەیاند "لەبەردەوامی كارو پڕۆژەكانمان و بایەخدان بە بواری گەشتوگوزار، بە هاوكاری دڵسۆز و خەمخۆران، لەسەر بودجەی17% بەرێوبەڕایەتی گشتی گەشتو گوزاری هەولێر، رەزامەندی دراوە بە چاك كردنی رێگای سەیرانگەی (بنمێردەو بێرمەی فەقیان و سەرسێوە) لە سنووری قەزای رواندز، كە رێگای ئەم شوێنانە بە درێژایی زیاتر لەشەش كیلۆمەتر و بە پانی شەش مەتر فەتح و چاك دەكرێت، لەگەڵ دانانی قەنتەرە لە چەند شوێنێكی پێویست، بۆ پاراستنی رێگاكە لە كاتی باران و دروستبوونی ئاوەڕۆ".
ئاماژەشی بەوەدا " ئەم شوێنەی پڕۆژەی چاككردنی رێگاكەی بۆ دەرچووە، بەتەواكردنی خزمەتێكی زۆر بە خەڵكی ناوچەكەو گەشتیارانی ناوچەكانی دیكەش دەكات، چونكە ناوچەكە كوێستانەو لەبەرنامەشدایە لەداهاتوودا پڕۆژەی گەشتیاری لێ دروست بكرێت.

زۆرترین بینراو