پڕۆژەی دەروازەی سۆران ناكۆكی دەنێتەوە

پڕۆژەی دەروازەی سۆران ناكۆكی دەنێتەوە

محەمەد ئامۆكەیی- سۆران: ماوەی چوار مانگە دەروازەی شاری سۆران، ماستەرپلانی نوێی بۆدانراوە و تاكوو ئێستا پڕۆژەكە تەواونەكراوە و لە هەفتەی رابردوش كێشە كەوتە نێوان قائیمەقامی سۆران و سەرۆكی شارەوانی ئەوەش هۆكاربووە كاركردن لە پڕۆژەكە بوەستێت، زاری كرمانجی هۆكاری دواكەتنەكە دەخاتەڕوو هەردوو بەپرسی شارەكە لێدوانی دژ بەیەك دەدەن.
هاووڵاتیانی سۆران پێیان وایە بەرپرسانی شار لەبەر ملاملانێی یەكتر ئاگایان لە پڕۆژە خزمەتگوزاریەكان نەماوە و ئەوەش بۆتە هۆی ئەوەی سۆران، بەتەواوەتی پشتگوێ بخرێت". ئەمە قسەی بەشێكی دانیشتوانی ئەو شارەیە" داوا لەسەرۆكی حكومەت دەكەن بەفریای سۆران بكەوێت و سزای ئەو بەرپرسانە بدات كە نایانەوێت خزمەتی هاوشاریان بكەن.
محەمەد ئیسماعیل هاونیشتیمانیێكی سۆران بوو گووتی" دەروازەی شاری سۆران چەند مانگە خەریكی چاكردنن لەبەر ملاملانێی ئەو دوو بەرپرسە كاری لێ وەستاوە بۆیە داوای ئێمەی هاووڵاتی ئەوەیە ئەگەر نایانەوێت خزمەت بكەن با واز لەو خەڵكە بێنن و چیتر خەڵكە خێر لە خۆ نەیدوەكەی سۆران نەكەنە قوربانی كورسیەكانیان.
لەسەر راگرتنی پرۆِژەی دەروازەی زاری گەڵی كرمانج عیزەت، قائیمەقامی سۆران، بۆ زاری كرمانجی دەڵێت"نەخشەی دەروازەی سۆران راگیراوە و دوای ئەوەی هەندێ تێبینی لەسەر نەخشەی چاكردنی دەروازەی سۆران، باڵەكیان، هەبوو تێبینی هاووڵاتیانمان پێگەیشت، خۆم لەگەڵ لیژنەیەكی هونەری شارەوانی سۆران، سەردانی مەیدانیمانكرد، دەركەوت تێبینیەكە لە جێی خۆی بوو، بۆیە نەخشەكەمان ڕاگرت و نەخشەی تازەی بۆ بەرژەوەندی گشتی بە فراوان كردن و ڕاستكردنەوەی بۆ دادەبەزێنین.
زاری كرمانجی پەیوەندی بە سەرۆكی شارەوانی سۆران، ئەمیر فاخر، كردوو ئەو ئاماژەی بەوەكرد" دەروازەی شار و مل دانە بەر بەرپرسیارەتی لادانی زێدەرۆییەكانە ئەو دەروازەیەی ساڵانێكە هاوشاریانم پێوە دەنالێنن، بۆیە لەگەڵ دەست بەركاربونمان هەستاین بە دروستكردنی فولكەی دەروازەی شار بە پێی نەخشەو ماستەرپلانی شەقامە گشتییەكان كە لەلایەن وەزارەتی ئاوەدانكردنەوە و نێشتەجێكردن و وەزارەتی شارەوانی نەخشەو دیزاینی بۆ دانراوە، لە ئێستادا پڕۆژەكە بە پێی مەرجە هونەری و ئەندازەییەكانی رێگاو بانی ناو ماستەر پلانەكەو بە سەرپەرشتی لێژنەیەكی ئەندازیاری شارەوانیمان گەیشت بووە كۆتا قۆناغی جێبەجێكردن."
ئەمیر فاخر، نەیشاردەوە"ململانێ و دژایەتی و زێدەرۆیی و هەڕەشەی گرتنی ئەندازیارانمان نەبا ئێستا لە مێژبوو ئەو پڕۆژەیە تەواوكرابوو ئەوەش هۆكار بووە لە وەستانی، بۆیە هەموو هاوشاریانم باش دەزانن كە چ محاربەیەك لە دژی خزمەتكردنمان هەیە بە شارە خۆشەویستەكەم، بەڵام رێبازی من رێبازە راست و چاو نەترسەكەی رێبازی بارزانیەو كۆلم نەداوەو كۆلیش نادەم و نەك تەنیا ئەم پرۆژەیە، هەموو پرۆژەكانی تری شارەكەم كە دەستمان پێكردوە لە تەنها ١ ساڵی رابردوو، تەواوی دەكەین، ئەوانەشی رێگری دەكەن ئەی تا ئێستا لە كوێ بون.
سەرۆكی شارەوانی سۆران، وەڵامی سەرۆكی جولانەوەی نەوەی نوێیشی دایەوە و زیاتر دەڵێت" ئەم برادەرەش با بچیت قەرزەكانی خۆی بداتەوە نەك بێت و باسی تەواوكردنی پڕۆژەكانی ئێمە بكات.

زۆرترین بینراو