پڕۆژەی نۆژەنكردنەوەی رێگای سەرەكی (سۆران-حاجی ئۆمەران) راگیراوە

پڕۆژەی نۆژەنكردنەوەی رێگای سەرەكی (سۆران-حاجی ئۆمەران) راگیراوە

زاری كرمانجی-سۆران: بەرپرسی كەرتی 4ی چاككردنەوەو پاراستنی رێگاوبانی سۆران، ئاشكرای دەكات، بەهۆی قەیرانی دارایی پڕۆژە سەرەكییەكانی رێگاوبانی سنوورەكەمان راگیراون.
ئەندازیار خوسرەت سادق دری، بەرپرسی كەرتی 4ی چاككردنەوەو پاراستنی رێگاوبانی سۆران، بەزاری كرمانجی راگەیاند " رێگای سەرەكی هامڵتۆن (سۆران-حاجی ئۆمەران) پێویستی بە نۆژەنكردنەوە هەیە، بۆ ئەم مەبەستە ساڵی رابردوو دەست بە پڕۆژەكە كرا، بەڵام بەداخەوە بەهۆی قەیرانی دارایی ئەم پڕۆژەیە راگیراوەو كاركردنی تێدا ئەنجام نادرێت".
گووتیشی " لەم هەفتەیە لیژنەیەكی پەرلەمانی كوردستان سەردانی سنووری قەزای چۆمانیان كردووەو لەلایەن ئیدارەی ناوچەكە داواكاكاریان ئاراستە كراوە، كە كەم و كۆڕیەكانی دەڤەرەكە بگێنن بە حكوومەت لەوانەش نۆژەنكردنەوەی رێگای هامڵتۆن، كە پێویستی بە دوو ملیار دینار هەیە.
بەرپرسی كەرتی 4ی چاككردنەوەو پاراستنی رێگاوبانی سۆران، دەشڵێت " بەپێی ئەو ئیمكانیاتەی لەبەردەستماندایە ئەگەر حاڵەتێكی لەناكاو لە رێگایەك دروست بێت، هەواڵی چاككردنەوەی بۆ دەدەین، بەڵام پڕۆژە سەرەكییەكان راگیراون.

زۆرترین بینراو