پۆستی داهاتووی قائیمقامی سۆران ئاشكرا بوو

پۆستی داهاتووی قائیمقامی سۆران ئاشكرا بوو

زاری كرمانجی : رۆژی چوارشەم ئەنجوومەنی پارێزگای هەولێر كۆدەبێتەوەو دەنگ لەسەر بە قائیمقامبوونی هەڵگورد شێخ نەجیب دەدات.
بووژە شێخ ئاخیر ئەندامی ئەنجوومەنی پارێزگای هەولێر بە زاری كرمانجی گووت " رۆژی 30-9-2020 ئەنجوومەنی پارێزگای هەولێر كۆدەبێتەوە و چەند پرسێك هەیە گفتوگۆی لەسەر دەكرێت، یەكێك لە بەرنامەكانی كۆبوونەوەكە پڕۆسەی دەنگدانە بە كاندیدی پۆستی قائیمقامییەتی قەزای سۆران كە (هەڵگورد شێخ نەجیب)ە، دوای پرۆسەكەش نووسراوەكان بەرزدەكرێنەوە بۆ لایەنە پەیوەندارەكان تا رێ و شوێنی پێویست و ئیداری بگیرێتەبەر تا قائیمقامی نوێی سۆران بەفەرمی لە شوێنی قائیمقامی ئێستا دەست بەكار بێت".
لە لایەكی دیكەشەوە لە چەند ماڵپەڕێك بڵاو كراوەتەوە كە (كرمانج عزەت) قائیمقامی ئێستای سۆران، وەك راوێژكار لە وەزارەتی كشتوكاڵ و سەرچاوەكانی ئاو دەست بەكار دەبێت.

زۆرترین بینراو