پۆلیسی سۆران زانیاری لەسەر هۆكاری گیان لەدەستدانی هاووڵاتیەك بڵاوكردەوە

پۆلیسی سۆران زانیاری لەسەر هۆكاری گیان لەدەستدانی هاووڵاتیەك بڵاوكردەوە

زاری كرمانجی-سۆران: دوای ئەوەی پێشنیوەڕۆی ئەمڕۆ هاووڵاتییەكی دانیشتووی قەزای سۆران كۆتایی بەژیانی هات پۆلیسی سۆران زانیاری لەمبارەوە خستەروو".
مقەدەم شەماڵ دێواری، گوتەبێژی بەڕێوەبەرایەتی پۆلیسی سۆران، بە زاری كرمانجی گووت " پێشنیوەڕۆی ئەمڕۆ چوارشەممە ئاگادار كراینەوە بە بوونی تەرمێك بەناوی "ر-م-د" تەمەن 58 ساڵ دانیشتووی گەڕەكی جوندیان 2 لە قەزای سۆران، دەستبەجێ تیمەكانی پۆلیس و ئاسایش و پۆلیسی بەڵگەو تاوان، گەیشتنە شوێنی ڕوداوەكە لەسەر فەرمانی دادوەری سۆران ڕێكارەكانی پشكنین و هێلكاری شوێنی ڕووداو ئەنجام دراو تەرمەكەش رەوانەی پزیشكی دادی سۆران كرا".
گووتیشی " بەپێی لێكۆڵێنەوە سەرەتاییەكان و گوفتاری خێزانی مردوو، گومان دەكرێت ناوبراو نەخۆشی دەرونی هەبووبێت و بەم هۆیەوە خۆی خنكاندبێت".

 

بیروڕا

زۆرترین بینراو