پیشانگایەكی كتێبی گەرۆك لە رواندز كرایەوە

پیشانگایەكی كتێبی گەرۆك لە رواندز كرایەوە

زاری كرمانجی-رواندز: ناوەندی رۆشنبیری ئەندێشە، پێشانگایەكی كتێبی گەرۆكی سەر شەقام لە قەزای رواندز كردۆتەوەو بۆ چەند رۆژێك بەردەوامی دەبێت.
هەژار ئیبڕاهیم، بەرپرسی كتێبخانەی عەلی مەكتەبەو خوێنەر و رۆشنبیری شاری رواندز، رایگەیاند "كردنەوەی پیشانگای كتێب لەسەر شەقامەكان و داشكانی زۆر و بەڕێژەی لەسەداپەنجا، گرینگی تایبەتی خۆی هەیە، وەك دەزانین كە دەزگای ئەندێشە لەم بارەوە ڕۆڵێكی گەورەو گرینگی گێڕاوە، هەر لە درووستكردنی پیشانگای گەڕۆك بەئوتومبێل بەنێوار و شارۆچكە و لادێیەكان و كردنەوەی پێشانگای جێگیر، بۆ چەند ڕۆژێك لەسەر شەقامەكان وایكردوە، خوێنەران بەئاسانی و بەنرخێكی گونجاو كتێبیان دەستبكەوێت و لەنزیكەوە ساردانی پیشانگاكە بكەن.
گووتیشی، كتێب خوێندنەوە پرۆسەیەكە كارامەیی هزری مرۆڤ سەردەخات و هاوكاری دەكات، بۆ چارەسەركردنی كێشەكانی و مرۆڤ دەخاتە حاڵەتی ئاگایی لەڕووی تەندروستیشەوە، دەیان سوودی هەیە، بۆیە لەسەر هەموولایەكمان پێویستە كە كۆمەكی ئەوجۆرە چاڵاكیانە بكەین، تاخوێندنەوە بكەینە كولتوور لەنێو چین وتوێژەكانی كۆمەڵگە.

زۆرترین بینراو