پێدڤیە پەرلەمانێ كوردستانێ بەرەڤانیێ ل بریارا خوە بكەت
زاری كرمانجی : ئاكرێ : ئاكرێ ساڵا 1877 بۆیە قەزا و سێ ناحیە هەنە گردەسێن، بجیل و دینارتە و ژ ساڵا 1999 بریارا پارێزگه‌هبوون ئیداره‌یا سه‌ربه‌خۆ بۆ ئاكرێ ده‌رچووه به‌لێ هه‌تا نوكه نه ئاكرێ بۆیه پارێزگه‌ه نه بۆیه ئیداره‌یا سه‌ربه‌خۆ قایمقامێ ئاكرێ چه‌ندین ده‌نگوباسێن نۆ لسه‌ر ئیداره‌یه‌كا سه‌ربه‌خۆ بۆ ئاكرێ ئاشكرا دكه‌ت .
مازن محەمەد سەعید ، قایمقامێ قەزا ئاكرێ بۆ زاری كرمانجی راگه‌هاند : پرسا ئیدارەیا سەربەخۆیا ئاكرێ پشتی چەندەكێ جارەك دی هاتیە نوكرن و نوكە كار لسەر دهێتە كرنەڤە ئیداریا سەربەخۆیا ئاكرێ گەلەك یا گرنگ و پێدڤیە دەمێ سەرەدانا شاندێ پەرلەمانێ كوردستانێ بۆ ئاكرێ پرسا ئیدارا سەربەخۆیا ئاكرێ مە ب شاندێ سەرۆكاتیا پەرلەمانێ كوردستانێ راگەهاند كۆ پێدڤیە پەرلەمانێ كوردستانێ بەرەڤانیێ ل بریارا خوە بكەت نەك خواستا مە وەك خەڵكێ ئاكرێ یان كارگێریا دەڤەرێ كۆ بەرەڤانیێ ل وێ بریارێ بكەن كۆ ساڵا 1999 ل پەرلەمانێ كوردستانێ دەرچووە بۆ ڤێ قوناغێ بودجە ژی نەڤێت بریارا یاسایی هەیە كۆ ئاكرێ ببیتە ئیدارەیەكا سەربەخۆ د هەماندەمدا هەردوو قەزایێن بەردەرەش و شەش ناحیە دێ بنە سنورێ وێ ئیدارەیا سەربەخۆ كۆ 370 هزار كەس هەیە .
گوتژی : ئاكرێ لایه‌نێ كێم بۆ دهۆك 90كلم و بۆ مۆسڵ هەمان تشت بۆ هەولێر پتر ژ 100 كلم دوورە ئەگەر بۆ هندەك جهێن دی ئیدارەیا سەربەخۆ پێدڤی بیت بۆ ئاكرێ زۆر زۆر پێدڤیە نەخاسمە كۆ بریار هاتیە دان كۆ ئاكرێ ببیتە پارێزگەهـ دخوازین كۆ هەموو كار بكەن بۆ وێ چەندێ ئاكرێ ببیتە پارێزگەهەكا سەربەخۆ ،زۆر كار هاتینە كرن بەلێ دەمێ دیاركری نینە بۆ وێ چەندێ ئاكرێ ببیتە ئیدارەیەكا سەربەخۆ ئەڤێ چەندێ ژی پێدڤی ب بریارا جڤاتا وەزیران هەیە ، بەردەرەش و كەلەك ناحی بوون بەری ساڵا 2007 ێ سەر ب قەزا ئاكرێ ڤە پشتی بەردەرەش بۆیە قەزا كەلەك و دارەتوو روڤیا بۆنە ناحیە سەر ب قەزا بەردەرەش ڤە و ناحیا گردەسێن و دینارتە و بجیل ژی سەر ب ئاكرێ ڤە زەحمەتە چۆ رێگرەیەك هەبیت كۆ بەردەرەش ژی گەل ئاكرێ ببیتە ئیدارەیەكا سەربەخۆ .
