پێرێز داوای كەمكردنەوەی مووچە دەكات

پێرێز داوای كەمكردنەوەی مووچە دەكات

زاری كرمانجی- ئاژانسیە هەواڵییە وەرزشییەكان: سەرۆكی یانەی ریاڵ مەدریدی ئیسپانی بۆمبێك بە رووی یاریزانانی یانەكەیدا دەتەقێنێتەوە لە بارەی پرسێكەوە، كە بەهۆی بڵاوبونەوەی ڤایرۆسی كۆڕۆنا دووچاری یانەكەی بۆتەوە.
رۆژنامەی ماركا لە هەواڵێكیدا ئاشكرایكردوە، پێرێزی سەرۆكی یانەی ریاڵ مەدرید داوای لە یاریزانانی یانەكەی كردووە لە بارەی كەمكردنەوەی مووچەكانیان دەست بە گفتوگۆ بكەن.
بەهۆی بڵاوبونەوەی ڤایرۆسی كۆڕۆنا بە شێوەیەكی گشتی تەواوی یارییەكانی خولی یانەكانی جیهان وەستاون و بەم هۆیەشەوە زیانێكی زۆر بە یانەی ریاڵ مەدرید و تەواوی یانەكانی جیهان گەیشتوەو ئەگەری زۆرە دووچاری قەیرانی دارایی ببنەوە.
هەرچەندە یانەی ریاڵ مەدرید لە سەرەتاوە بیرۆكەی كەمكردنەوەی مووچەی یاریزانەكانی نەبوو، بەڵام لە ئێستادا سەرۆك بیرۆكەی ئەوەی بۆ درووستبووە كە مووچەی یاریزانەكانی كەمبكاتەوە، چونكە زیانێكی زۆر بەر یانەكە كەوتووەو تەنها بەهۆی وەستانی یارییەكانی یانەكەوە لە پەخشی تەلەفیزیۆنەكانەوە زیانی 150 ملیۆن یۆرۆ بەر یانەی شاهانە كەوتووە.

بابەتى پەیوەندیدار وەرزشى

زۆرترین بینراو