پێرێز هەوادارانی تووشی شۆك كرد

پێرێز هەوادارانی تووشی شۆك كرد

زاری كرمانجی- ئاژانسییە هەواڵییە وەرزشییەكان: دوا بەدوای ئەوەی یانەی ریال مەدرید بە بردنەوەی لە یانەی ڤیاڕیال توانی نازناوی لیگای ئەم وەرزە بباتەوە، فلۆرۆنتینۆ پێرێز، سەرۆكی یانەكە دوای ئەو سەركەوتنە راستەوخۆ بە لێدوانێكدا سەبارەت بە گرێبەستەكانی وەرزی داهاتوو هەودارانی یانەكەی شۆك كرد.
لەم بارەیەوە پێرێز بە ئێزگەی ئۆندا سێرۆی راگەیاند" كە بەهۆی ڤایرۆسی كۆڕۆناو بەردەوامی قەیرانی دارایی یانەی ریال مەدرید لەم هاوینە هیچ گرێبەستێكی گەورە ئەنجام نادات".
پیرێز گووتی" ناكرێ لە لایەك بیر لە گرێبەستی گەورە بكەینەوەو لە لایەكی دیكەشەوە بەهۆی قەیرانی دارایی مووچەی یاریزانانمان كەم بكەینەوە، بۆیە ئەم وەرزە هیچ گرێبەستی گەورە ئەنجام نادرێت و تەنها هەندێك گرێبەستی ئاسایی نەبێت".
دەربارەی گرێبەستی سێرجیۆ رامۆس سەرۆكی یانەی ریال رایگەیاند" ئەو سەركردەی یانەكەیەو كاپتنی تیمەكەیە بۆیە هەر دەمێنێتەوەو پێویستە لێرە واز لە یاریكردن بهێنێت، ئەو شایستەی هەموو شتێكی باشە چونكە تەنها یاریزانێكی ئاسایی نییە".
لەكۆتاییدا سەبارەت بە پەیوەندییەكانی لەگەڵ بارتۆمیۆی سەرۆكی بەرشەلۆنە پێرێز گووتی" پەیوەندی من و بارتۆمیۆ زۆر باشەو ئێمە زۆر یەكگرین و بەم دواییەش قسەی لەسەر ڤارو هاوكاری كردنی ئێمە كردبوو بەڵام من قسەكانم بە ئاسایی وەرگرت و هیچ لێی تووڕە نەبووم".

زۆرترین بینراو