پێشبینی هاتنی دەیان هەزار گەشتیار بۆ سۆران دەكرێت

پێشبینی هاتنی دەیان هەزار گەشتیار بۆ سۆران دەكرێت

محەمەد ئامۆکەیی
ناوچە گەشتیاریەکانی سنووری سۆران، پڕبوونە لە گەشتیاران بەجۆرێک لە هەندێك شوێن بەهۆی زۆری گەشتیار ئاستەمە چەند مەترێک بڕۆی.
بارزان محەمەد، بەڕێوەبەری گەشتوگوزاری سۆران، بۆ زاری کرمانجی گووتی" وەک سەرەتا پێشبینی هاتنی رێژەیەکی زۆری گەشتیار دەکرا ئەمە لە دووەم رۆژی جەژنی قوربان، بەدیکراو ئێستا هەموو ناوچە گەشتیاریەکانی سۆران پڕبوونە لە گەشتیار.
بارزان محەمەد، راشیگەیاند" بۆ پێشوازیكردن لە گەشتیاران لەرۆژانی پشووی جەژن، هەماهەنگیمان کردووە لەگەڵ دامودەزگاكانی سنووری بەڕێوەبەرایەتییەكەمان، بۆ ئەوەی ئەو خەڵکە لە کەش و هەوایەکی ئارام کاتەکانیان بەسەر ببەن، هەروەها خاوەن شوێنە گەشتیارییەكان و چێشتخانەو هۆتێل و مۆتێل و سەیرانگاكانی دەڤەرەكەش، لەو رۆژانە کراونەتەوە بەڕووی گەشتیاران.
گووتیشی" پێشبینی دەکەین تا کۆتا رۆژی جەژن، سەرووی 50 هەزار گەشتیار رووبکەنە دەڤەری سۆران، زۆربەی ئەو گەشتیارانەی هاتوون خەڵکی ناوچەكانی باشوور و ناوەڕاستی عێراقن.

زۆرترین بینراو