پێنج كابینەیە ئەنجوومەنی شارەوانییەكان نەگۆڕدراون

پێنج كابینەیە ئەنجوومەنی شارەوانییەكان نەگۆڕدراون

زاری كرمانجی: گوتەبێژی وەزارەتی شارەوانی ‌و گەشتوگوزار بە زاری كرمانجی رایگەیاند:" پێنج كابینەیە ئەنجوومەنی شارەوانییەكان نەگۆڕدراون، دوای رەزامەندیی ئەنجوومەنی وەزیرانی ‏هەرێمی كوردستان لەسەر دروستكردنەوەی ئەنجوومەنی شارەوانییەكان، ‏لە سەرجەم شارەكانی هەرێمی كوردستان ئەنجوومەنی شارەوانییەكان دروست دەكرێتەوە، ئەو ئەنجوومەنە ئاگاداری سەرجەم بڕیار‌ و ‏گرێبەستەكانی شارەكە دەبێت.
كوردۆ عومەر، دەشڵێ:" لە قەزا و ناحییەكان كار دەكرێت بۆ تاپۆكردنی خانووە زێدەڕۆكان، وەزارەتی شارەوانی بۆ ئەوەی رێگری لە بەرفراوانبوونی نایاسایی شاروشارۆچكەكان بگرێت، ماستەرپلانێكی نوێی داناوە بۆ هەموو شاروشارۆچكەكان، ئەو زێدەڕۆیانەی كە بەپێی یاسا كراون تاپۆ دەكرێن.
هەروەها دەشڵێ:"نزیكەی نیوەی پرۆژەكانی حكوومەت، هی وەزارەتی شارەوانینە، كە 46%ـی پرۆژەكان دەكات، پرۆژەكانی ئێمە بەسەر سێكتەرە جیاوازەكاندا دابەشكراون، سێكتەری شارەوانی، سێكتەری ئاو و ئاوەڕۆ، پاككردنەوەی خاشاك، واتە پرۆژەی بەردەواممان هەیە، لەگەڵ پرۆژەی ستراتیژی گەورە، لە شارەكان بەردەوام پرۆژەی گەورە جێبەجێ دەكرێن.
بەپێی ‏پەیڕەوی نوێی ئەنجوومەنی شارەوانییەكان ، 75%ی ئەندامانی ‏ئەنجوومەنەكان لە سەرۆكی فەرمانگە حكوومییەكانی شار و ‏شارۆچكەكان پێك دێن و 25%ـیشی لە نوێنەری رێكخراوە ناحكوومییەكان ‏و سەندیكا و رێكخراوە پیشەییە تایبەتمەندەكان دەبن.‏ هاوكات لە هەرێمی كوردستاندا 157 شارەوانی هەن".

بیروڕا

زۆرترین بینراو