پێنج هه‌زارو 500 ئه‌وروپی هاتوونه‌ته‌ ناو رێزه‌كانی داعش

پێنج هه‌زارو 500 ئه‌وروپی هاتوونه‌ته‌ ناو رێزه‌كانی داعش

 

جۆلیان كینگ، كۆمسیاری ئه‌وروپا بۆ كاروباری ئاسایش رایگه‌یاند، ده‌سه‌ڵاتدارانی ئه‌وروپا سۆراخی دوو هه‌زار و 500 له‌و چه‌كدارانه‌ی ئه‌وروپا نازانن، كه‌ له‌ ساڵانی رابردوو بۆ شه‌ڕكردن له‌ رێزه‌كانی رێكخراوی داعش روویان له‌ عێراق و سووریا کردووە.

ئاژانسی نوڤۆستی رووسی رایگه‌یاند " جۆلیان كینگ له‌ به‌رده‌م په‌رله‌مانی ئه‌وروپا گوتی" به‌گوێره‌ی هه‌ڵسه‌نگاندنه‌كانمان، پێنج هه‌زار و 500 چه‌كداری ئه‌وروپی وڵاته‌كانیان به‌ره‌و عێراق و سووریا جێهێشتووه‌، كه‌ سی به‌شیان پیاو و به‌شێكیش ئافره‌تن".

راشیگه‌یاند، به‌گوێره‌ی ئاماره‌ سه‌ره‌تاییه‌كان، هه‌زار و 400 كه‌س له‌و چه‌كدارانه‌ له‌ شه‌ڕدا كوژراون.

دووپاتیشیكرده‌وه‌، "ئه‌سته‌مه‌ بتوانرێت ژماره‌ی ته‌واوی ئه‌و چه‌كدارانه‌ بزانرێت، به‌ڵام ئێمه‌ له‌و باوه‌ڕه‌داین، له‌كۆی ئه‌و چه‌كدارانه‌ی له‌ ئه‌وروپاوه‌ چوونه‌ته‌ عێراق و سووریا، هه‌زار و 400 كه‌سیان كوژرابێت، له‌وانه‌شه‌ ژماره‌كه‌ زۆر له‌وه‌ زیاتر بێت".

له‌كاتێكیشدا داتاكانی وڵاتانی ئه‌وروپا ئاماژه‌ به‌وه‌ ده‌ده‌ن، كه‌ تا ئێستا هه‌زار و 600 چه‌كداری ئه‌وروپی گه‌ڕاونه‌ته‌وه‌ وڵاته‌كانیان، كینگ ده‌ڵێت: ئه‌گه‌ر ئه‌و ئاماره‌ ورد و دروست بێت، كه‌واته‌ چاره‌نووسی دوو هه‌زار و 500 كه‌س له‌و چه‌كدارانه‌ نادیاره‌ كه‌ په‌یوه‌ندییان به‌ ریزه‌كانی داعشه‌وه‌ كردووه‌.

ئاماژەی بەوەشدا، هه‌زار و 400 منداڵی داعش هه‌ن و به‌لایه‌نی كه‌م یه‌كێك له‌ باوانیان هه‌ڵگری ره‌گه‌زنامه‌ی ئه‌وروپین و هێشتا نه‌گه‌ڕاونه‌ته‌وه‌ ئه‌وروپا.

زۆرترین بینراو