پەیامی وەزیری پەروەردە بەبۆنەی دەستپێكردنی ئەزمونە گشتییەكان

پەیامی وەزیری پەروەردە بەبۆنەی دەستپێكردنی ئەزمونە گشتییەكان

دكتۆرپشتیوان سادق وەزیری پەروەردەی حكومەتی هەرێم بەبۆنەی دەستپێكردنی ئەزمونە گشتییەكان كە بڕیارە سبەی رۆژی یەك شەممە 26/5/2019 تاقیكردنەوەی 12ی ئامادەیی و رۆژی دووشەممە 27/5/2019 بۆ 9ی بنەڕەتی دەستپێبكات، پەیامێكی بڵاوكردەوەو داوای لە قوتابیان وخوێندكارانی خۆشەویست كرد كە گوێ‌ بەو پروپاگەندانە نەدەن كە ساڵانە دەكرێن سەبارەت بە ئەزمونەكان .

گوتیشی لەرووی ئەمنیشەوە ئەوەی پێویست بێت دەستبەركراوە، هەروەها وەرەقەی سۆمای ئەمساڵ زۆرجیاوازە لە ساڵی رابردوو، ئاسانكاری زۆر بۆ قوتابیان و خوێندكاران كراوە بۆ ئەوەی هەلەی تێدا نەكرێت.

لە كۆتایی پەیامەكەی وەزیری پەروەردە سوپاسی بێپایانی مامۆستایان و بەرێوەبەری هۆڵەكان و سەرپەرشتیاران كرد ورایگەیاند ئەوانە ئایندەی گەلەكەمانن و چەندین نەوەیان پەروەردە كردووە و دەستخۆشیانی ئاراستە كردن و گوتی : دڵنیام كە پەروەردە لە سەر دەستی ئەوان بەردەوام دەبێت . ئەمساڵیش بە هەمان شێوەی ساڵانی پێشوو پرۆسەكە بە سەركەوتوویی بە ئەنجام دەگەیەنن

 

بیروڕا

زۆرترین بینراو