پەیمانگەی زاگرۆس بە پەیڕەو كردنی سیستەمی ئۆنلاین و ئەلیكترۆنی نایهێڵێت قوتابیان لە خوێندن داببڕێن

پەیمانگەی زاگرۆس بە پەیڕەو كردنی سیستەمی ئۆنلاین و ئەلیكترۆنی نایهێڵێت قوتابیان لە خوێندن داببڕێن

زاری كرمانجی-سۆران:

هەر لەسەرەتایی دامەزراندنی پەیمانگەیه‌كی ده‌ڤه‌ری سۆران له‌ سنووری رواندز ئامادەكاری كردووە بۆ ئەوەی مامۆستایان و دەستەی كارگێڕی لەسەر خوێندنی ئۆنلاین و ئەلكترۆنی رابێن، ئەوەش وایكردووە لە كاتی رێكارەكانی خۆپارێزای لە ڤایرۆسی كۆرۆنا و راگیرانی ناوەندەكانی خوێندن، وەك یەكەم پەیمانگە قوتابیان دانەبڕێن و لەسەر خوێندنی ئۆنلاین و ئەلیكترۆنی بەردەوام بن.
هێمن سەباح، بەرپرسی راگەیاندنی پەیمانگەی زاگرۆس، بە زاری كرمانجی راگەیاند " دوای بڵاوبونەوەی ڤایرۆسی كۆرۆنا و جێبەجێكردنی رێنماییەكانی خۆپارێزی، راگرتنی دەوامی خوێندنی قوتابی و خوێندكار لە زانكۆ و پەیماگەكان پەیمانگەی زاگرۆس وێڕای پابەندبوونی بە رێنماییەكانی وەزارەتی تەندروستی حكومەتی هەرێمی كوردستان، هەر زوو دەستی كرد بە ئامادەكاری بۆ پرۆسەی خوێندنی ئۆنلاین بە سوود وەرگرتن لە توانا مرۆیی و بنچینییەكانی پۆرتالی پەیمانگە توانی نەك لەسەر ئاستی دەڤەری سۆران، بەڵكو لەسەر ئاستی كوردستان سەركەوتنێكی گەورە تۆمار بكات، وەك یەكەم ئەزموونی خوێندنی ئۆنلاین، لەگەڵ ئەوەشدا پەیمانگەی زاگرۆس، هەر لەسەرەتایی دامەزراندنیەوە وەك دامەزراوەیەكی ئەلیكترۆنی مامەڵەی كردووە بەتایبەت لەنێوان قوتابی و مامۆستا".
م. هۆشەنگ قاسم یاریدەدەری بەڕێوەبەری پەیمانگەی زاگرۆس بۆ زاری كرمانجی دەڵێت " هەر لەسەرتای رێنماییەكانی تەندروستی وەك كارگێری پەیمانگەی زاگرۆس پابەند بوین بە رێنمایەكانی خۆپارێزی لە ڤایرۆسی كۆرۆنا، بەڵام لە پێناو ئەوەی خوێندنی قوتابیان و خوێندكاران مان دوانەكەوێت، بڕیارماندا كە دەست بكەین، بە خوێندنی ئۆنلاین و ئەلیكترۆنی، واتە وانەكانی ئۆنلاین ریكۆرد دەكرێن دواتر لە پۆرتاڵی پەیمانگە دادەنرێن.
ئەوەشی خستەروو " هەر لە رۆژی دامەزراندنی پەیمانگەی زاگرۆس، لەگەڵ ستافە بە تواناكەمان بڕیاری بەكارهێنانی تەكنەلۆژیامانداوە، ئەوەیش بە بەكارهێنانی ماڵپەری تایبەت و پۆرتاڵی تایبەت بە پەیمانگە بۆ ئەوەی قوتابی بتوانیت بەئاسانترین شێوە دەستی بە بابەتەكان بگات و بە شێوەیەكی ئەكادیمی بتوانێت گفتوگۆ لەگەل مامۆستاكانی بكات وە گرنگی دان بە قوتابی بۆ ئامادەكردنی راپۆرت نوسینی بیرۆكەكانیان لەسەر بابەتە سەردەمییەكان"
سەبارەت بە تاقیكردنەوەكانیش لە ئیستادا پەیمانگەی زاگرۆس، توانی بەشێوەیەكی سەركەوتووانە ئەم قۆناغە نەخوازراوە تێ پەرێنێت بە خۆپارێزیەوە لە لایەكی تر خوێندنی وانەكان بەشێوەی ئۆنلاین، دەتوانین بڵێین سەدا 90 كۆرس بوكی بابەتەكانمان خوێندراون و ئامادەین بۆ ئەنجام دانی تاقیكردنەوەی كۆتایی ساڵ"
مامۆستا راژان ئەحمەد سەرۆكی بەشی كارگێری پەیمانگەی زاگرۆس گووتی " پەیمانگەی زاگرۆس تاكە پەیمانگای ناحكومیە لە هەموو سۆران و دەوروبەری كە جگەلە بەشی كۆمپیوتەر هەردووك بەشی كارگێڕی و ژمێریاریشی هەیە توانی سەركەوتوانە پرۆسەی خوێندنی ئۆنلاین سەركەوتوانە بەڕێوە ببات ئەوە جێی خۆشحاڵییە بۆ هەموو دەڤەری سۆران پەیمانگەیەكی پێشەنگە".
م. فەرشاد فكری، رایدەگێنێت " سەرەتای دروست بوونی پەیمانگەی زاگرۆسی ناحكومی لەسەر بیرو باوەڕێكی بەهێز و ئیرادەیەكی جیاواز و بێ هاوتا بۆ خولقاندنی ئایندەیەكی گەش كە هیچ بارودوخێك ناتوانێت ئێمە لە بەرەو پێش بردنی دەست كەوتەكانمان بوەستێنت، بۆیە بەكاربردنی خوێندنی ئۆنلاین لە پەیمانگەمان وەك پاڵپشتیكار خوێندن هەلێكی زێڕینی تر بۆ قوتابیانمان دەرەخسنێت "
م. جیهاد ئەرگۆشی بەرپرسی بەشی تۆمارەكان لە پەیمانگەی زاگرۆس، ئەوەی خستەروو " دوای تەشەنەسەندنی ڤایروسی covid 19 و هاتنەكایەی هەڵومەرجێكی ناهەموار كەم تا زۆر پرۆسەی خوێندن لە زۆربەی ناوەندە زانستیەكان پەكی كەوت، ئەمەش پالنەرێكی سەرەكی بوو، بۆ دابڕدانی قوتابیان و خوێندكاران لە وانەكانیان بۆیە لە ژێر رێنماییەكانی وەزارەتی پەروەردە و بە هەوڵ و ماندووبونی دەستەی كارگێڕی پەیمانگەكەمان هەوڵماندا بۆ پڕكردنەوەی ئەم بوشایی زانستیە دەست بكەین بە خوێندنی ئۆنلاین، ئەمەش فەخر و شانازییەكی گەورەییە بو پەیمانگای زاگروس، كە هەر لە سەرەتای كاروانی پرۆسەی ئەكادیمی خۆی بڕیاریدا كە پێشەنگ بێت و خوێندنەوەیەكی باشیش هەبیت بۆ هەر بارودۆخێكی نەخوازراو كە ببێتە هۆی دواكەوتنی پرۆسەی خوێندن".
نەبەز سەعدی قوتابی بەشی كۆمپیوتەری پەیمانگەی زاگرۆس ئاماژەی بەوەدا " بەهۆی بڵاو بونەوەی ڤایرۆسی كۆرۆنا و قەدەغەی هاتوچۆ لە خوێندن دابڕاین بەڵام بە هەوڵ و ماندوبونی مامۆستایانمان لە پەیمانگەی زاگرۆس، كەشێكی زۆر جوانیان ڕەخساند بە ئۆنلاین من بۆ خۆم وام هەست ئەكرد لە پەیمانگەمە لەڕووی وانە گوتنەوە هیچ درێخیەك نەبوو لە ڕویی كوالێتی وانەكان زۆر بە جوانی وانەكان وترانەوە وە بە ئاسانی مەجالی پرسیارو وەڵامی تێدا بوو "
گووتیشی "ئەگەر بەراەردێك بكەین پەیمانگای زاگرۆسی ناحكومی لە هەموو رووێكەوە جیاوازترە لەگەڵ پەیمانگاكانی تر، بەو پێیەی من چواردە ساڵە لە خوێندن دابڕاوم پەیمانگەی زاگرۆس لە شەش مانگ قەرەبوی كردمەوە، لە رووی بینا و كواڵێتی خوێندن و ئامراز و پێداویستی خوێندن جیاوازەو لێرە قوتابیان فێری زانست و زانیاری ئەكادیمی دەبن"

زۆرترین بینراو