چاكسازیێ خەرجی كێمكرینە و داهات زێدەكریە

چاكسازیێ خەرجی كێمكرینە و داهات زێدەكریە

زاری كرمانجی – هەولێر : ئەندامەكێ پەرلەمانێ كوردستانێ ل دور ئەنجامدانا یاسا چاكسازیێ ئاشكراكر كۆ سەرەرای وان ئاستەنگێن دكەڤن رێكا بجهكرنا یاسا چاكسازیێ بەردەوام ب رێڤە دچیت بەلێ بۆ دووماهیك ئینانێ دەمەكێ زۆر دڤێت هەتا كۆ چاكسازی ب دروستی كارێ خۆ دكەت.
محسن دۆسكی، ئەندامێ پەرلەمانێ كوردستانێ بۆ زاری كرمانجی راگەهاند : یاسا چاكسازیێ زۆرێ بەرفرەهەمە و ب رۆژەكێ یان دوو رۆژا دووماهیك ناهێت ئاستەنگ گەلەكن ل هەمبەر پرۆژەی هەنە دەمەكێ زۆر دڤێت حكومەتا هەرێما كوردستانێ و پەرلەمانێ كوردستانێ گەلەك رژدن لسەر ئەنجامدانا چاكسازیێ و دهەماندەمدا هەرسێ هەیڤا جارەكێ پێدڤیە حكومەت راپۆرتەكێ لسەر چاكسازیێ بۆ پەرلەمانێ كوردستانێ رەوانە بكەت پرۆژێ چاكسازیێ زۆر یێ دەوڵەمەندە بۆ پتر خزمەتكرنا كوردستانێ پرۆژە هاتیە دانان بۆ وێ چەندێ خەرجی بهێنە كێمكرن و داهات بهێتە زێدەكرن و ل دەمێ بووری هەتا نوكە ئەڤ چەندە ژی هاتیە سەلماندن خەرجی زۆر كێمبوونەو داهات ژی زۆر زێدەبوویە.
دۆسكی، گوتژی:گ بەریا نوكە ب رێكێن جودا كارێن نەیاسایی هاتینە ئەنجامدان وەك وەرگرتنا پتر ژ موچەیەكێ ژلایێ ئێك كەس ڤە ئاشكراكرنا ناڤێن وان كەسێن ب نەیاسایی پتر ژ موچەیەكێ وەردگرن ئامارو داتا پێدڤینە بۆ ئاشكراكرنێ بەریا نوكەژی حكومەتا هەرێما كوردستانێ هژمارەكا داتایان راگەهاندبوو كۆ موچێن وان كەسا هاتینە برین كۆ ب نەیاسی موچە وەرگرتینە دگەل ئەو كەسێن ب نەیاسای هاتیە خانەنیشین كرن دێ خانەنشینا وان هێتە هەڵوەشاندن پێنگاڤ بەردەوامن و پەرلەمان ژی رژدە لسەر چاڤدێریێ و هەتا نوكە راپۆرتەك هاتیە بۆ پەرلەمانی و پشتی سێ هەیڤا جارەك دی راپۆرتەك دی لسەر پێنگاڤێن چاكسازیێ گەهیت پەرلەمانی.
محسن دۆسكی، ئاشكراكر:" ئەو ئاستەنگێن دهێنە رێكا چاكسازیێ نوكە پتر رێكارێن هونەری نە بۆ نمونە كەسەك بیست ساڵە لسەر شێوازەكێ موچەی وەردگریت هەتا كۆ ئەو داتا دهێنە رێكخستن و پاقژكرن دەم دڤێت ،چ بریار نەهاتینە دان ئەو كەسێن هەتا نوكە موچەیەك ب نەیاسایی وەرگرتی پشكەكا موچەیێ وی بهێتە برین".
محسن دۆسكی، ئەندامێ پەرلەمانێ كوردستانێ بۆ زاری كرمانجی تەكەزكر :" ب گشتی یاسا چاكسازیێ شیا رەوشا ئابووری باشتر بكەت و د ئێك دەمدا خەرجیا كێم بكەت و داهاتی زێدە بكەت".

زۆرترین بینراو