چامپیۆنزلیگ گەیشتە قۆناغە سەختەكان

چامپیۆنزلیگ گەیشتە قۆناغە سەختەكان

زاری كرمانجی-ئاژانسە هەواڵە وەرزشیەكان: سبەو دووسبەی گەشتێكی دیكەی یارییەكانی چاپیۆنزلیگ بەڕێوەدەچن و تاراددەیەك دوو تیپی سەركەوتووی كۆمەڵەكان بۆ قۆناغی داهاتوو دیاری دەكات, كاتژمێر 8 و 55 خولەكی سبەی شەو یانەی بەرشەلۆنەی ئیسپانی پێشەنگی یەكەمی گرووپەكەی بە 7 خاڵ لە یاریگەی كامبنو میوانداری یانەی سلاڤیا براگی چیكی دەكات و یاری رابردووی ئەم دوو یانەیە بە ئەنجامی 2-1 لە سوودی كەتەلۆنیەكان بوو, كاتژمێر 11ی شەویش لە بەهێزتیرن یاری گرووپەكە ئەینتەر میلانی ئیتاڵی دەبێتە میوانی دۆرتمۆندی ئەڵمانی كە هەردووكیان بە 4 خاڵ پلەكانی دووەم و سێیەمیان گرتووە بە جیاوازی گۆڵ ئیتاڵیەكان لە پێشن, ئەمەو یاری رابردوویان كە لە ئیتاڵیا بەڕێوەچوو بە 2 گۆڵی بێ وەڵامی مارتینز و كاندرێڤا یانە ئەڵمانیەكە شكستی خوارد, هەرچەندە هەردوو یانەكە یارییان لەگەڵ بەرشە ماوە بەڵام تا راددەیەك بردنەوەی هەر یەكێك لەم یارییەدا مسۆگەر كردنی پلەی دووەمە, یانە كەتەلۆنیەكە لە یەكەم یاریدا لە دەرەوەی یاریگەی خۆی بەبێ گۆڵ لەگەڵ دۆرتمۆند یەكسان بوو, دواتر لەناو كامبنو 2-1 لە ئینتەری بردەوە, دۆرتمۆندیش بە یەكسان بوونی لەگەڵ بەرشەو بردنەوەی لە سلاڤیاو دۆڕانی بە ئینتەر جگە لەم یارییە دوو یاری تری ماوە 27-11 لەگەڵ بەرشە لە كامبنو و 10-12 لەگەڵ سلاڤیا لەنێو یاریگەی خۆی, بەڵام ئینتەر سەرەتا رووبەڕووی سلاڤیا دەبێتەوە دواتر بەرشەلۆنە.
لە كۆمەڵەی هەشتەم یاریێكی بەهێز لە نێوان لە یاریگەی ستامفۆڕد برێج چێڵسی ئینگلیزی و ئەجاكسی هۆڵەندی ئەنجام دەدرێت و هەردوو یانەكە پلەكانی یەكەم و دووەمیان گرتووە بە كۆكردنەوەی 6 خاڵ و ئینگلیزەكان گۆڵی زیاتریان تۆماركردووە و لە یاری رابردووش لە دەرەوەی یاریگەی خۆی بە ئەنجامی 1-0 بردنەوەی دەستەبەر كرد, لە هەمان كۆمەڵەدا ڤالەنسیای خاوەن 4 خاڵ و پلەی سێیەم لە یاریگەی مێستایا میوانداری لیلی فەڕەنسی دەكات كە تەنها خاڵێكی كۆكردۆتەوەو لە پلەی چوارەم دێت, ئەمەو یانە ئیسپانیەكە پێشتر لەناو فەڕەنسا بە ئەنجامی 1-1 گەڕایەوە.
لە كۆمەڵەی حەوتەمیش لایبزیكی ئەڵمانی پێشەنگ بە 6 خاڵ دەبێتە میوانی زینیتی رووسی كە بە 4 خاڵ لە پلەی دووەمە بە جیاوازی گۆڵ لەگەڵ لیۆنی فەڕەنسی كە ئەویش میوانداری بەنفیكای پورتوگالی دەكات و پێشتر ئەڵمانیەكان لەنێو یاریگەی خۆیان بە ئەنجامی 2-1 سەركەوتبوو فەڕەنسیەكانیش بە پێچەوانە 2-1 شكستی خوارد.
دوا دوو یاری سبەی شەو لە كۆمەڵەی پێنجەم لە نێوان ناپۆڵی ئیتاڵی پێشەنگ بە 7 خاڵ و رێد بۆڵی نەمساوی دەبێت كە خاوەنی تەنها 3 خاڵە لە پلەی سێیەم, ئەمەو یاری رابردوویان بە ئەنجامی 3-2 لە سوودی ئیتاڵیەكان بەكۆتاهات, لیڤەرپوولی خاوەن نازناوی وەرزی رابردوو كە بە 6 خاڵ لە پلەی دووەم دێت میوانداری جینیكی بەلجیكی دەكات لەم یارییەدا دەیەوێ‌ وەك یاری رابردوو گۆڵی زۆرتر تۆماربكات كاتێ لە بەلجیكا 4-1 سەركەوتنی بەدەستهێنا.
دووسبەی چوارشەممەش چوار یاری ئەنجام دەدرێن لە كۆمەڵەی یەكەم یانەی پاریس سان جێرمانی فەڕەنسی پێشەنگ بە 9 خاڵ لە یاریگەی خۆی میوانداری كڵۆب برۆجی بەلجیكی دەكات كە پێشتر بە ئەنجامی 5-0 لێ بردبووەوە و ریال مەدریدیش كە بە 4 خاڵ لە پلەی دووەم دێت لە بێرنابیۆ میوانداری گەڵاتەسەرای توركی دەكات, ئەمەو یانەی شاهانە بە بردنەوەی 1-0 لە نێو ئەستەنبۆڵ هەناسەیەكی هاتەوەبەر و یانە توركیەكەی خستە ریزبەندی چوارەم.
لە كۆمەڵەی دووەم بایرەن میونخی ئەڵمانی و ئۆلمپیاكۆسی یۆنانی, سرڤینای سڕبی و تۆتنهامی ئینگلیزی, ئەڵمانیەكان بە كۆكردنەوەی 9 خاڵ پێشەنگی گرووپەكەی گرتووە بە جیاوازی 5 خاڵ لەگەڵ تۆتنهامی دووەم, یانە باڤارییەكە پێشتر بە ئەنجامی 3-2 شكستی بە یۆنانیەكان هێناو تۆتنهامیش بە ئەنجامی 5 گۆڵی بێ وەڵام سەركەوتوو بوو.
كۆمەڵەی سێیەم یارییەكانی ئەتەلانتای ئیتاڵی و مانچستەر ستی ئینگلیزی, دینامۆ زەگرەبی كڕواتی و شاختاری ئۆكڕانی لەخۆ دەگرێت, كوڕانی گواردیۆلا بە 9 خاڵ و سێ بردنەوە لە پێشەنگن و كڕواتیەكان بە 4 خاڵ بە جیاوازی گۆڵ لەگەڵ شاختار لە پلەی دووەمن, لە یاری رابردوویان مانستی 5-0 سەركەوتوو بوو, ئەنجامی ئەوانی تریش 2-2 بوو.
كۆمەڵەی چوارەمیش یۆڤانتس دەبێتە میوانی لۆكۆمۆتیڤی رووسی كە بە 7 خاڵ بە جیاوازی گۆڵ لەگەڵ ئەتلەتیكۆ مەدرید پلەی یەكەمی كۆمەڵەكەی گرتووە و لە یاری رابردوو 2-1 لە رووسیەكانی بردەوە, یانە ئیسپانیەكەش لە دەرەوەی یاریگەی خۆی دەبێتە میوانی بایەر لیڤەركوزنی ئەڵمانی كە خاوەنی هیچ خاڵ نیەو تەواوی سێ یارییەكانی دۆڕاندووە.

زۆرترین بینراو